തിരുവനന്തപുരം: ശാസ്തമംഗലത്തെ കോര്‍പറേഷന്‍ കെട്ടിടത്തിലെ എംഎല്‍എ ഓഫിസിനെച്ചൊല്ലിയുള്ള നാടകീയമായ രാഷ്ട്രീയ തര്‍ക്കങ്ങള്‍ക്കൊടുവില്‍ ‘മേയര്‍ ബ്രോ’ വി.കെ. പ്രശാന്ത് ഓഫീസ് മാറുന്നു. വാര്‍ഡ് കൗണ്‍സിലര്‍ ആര്‍. ശ്രീലേഖയുമായുള്ള പോര് മുറുകിയ പശ്ചാത്തലത്തില്‍, ഓഫീസ് മരുതംകുഴിയിലേക്ക് മാറ്റാന്‍ എംഎല്‍എ തീരുമാനിച്ചു. പാര്‍ട്ടിയുടെ കര്‍ശന നിര്‍ദ്ദേശത്തിന് വഴങ്ങി വിവാദങ്ങള്‍ അവസാനിപ്പിക്കുകയാണ് പ്രശാന്ത്. താനൊരു ‘വിട്ടുവീഴ്ചക്കാരന്‍’ ആണെന്ന ഇമേജ് നല്‍കി മരുതംകുഴിയിലേക്ക് മാറുന്നതിലൂടെ വ്യക്തിപരമായ ആക്രമണങ്ങളില്‍ നിന്ന് തടിയൂരാമെന്നാണ് പ്രശാന്ത് കരുതുന്നത്. എന്നാല്‍, ശാസ്തമംഗലത്തെ പടിയിറക്കം വട്ടിയൂര്‍ക്കാവിലെ രാഷ്ട്രീയ സമവാക്യങ്ങളെ എങ്ങനെ ബാധിക്കുമെന്ന്