തിരുവനന്തപുരം : നിയമസഭാ തിരഞ്ഞെടുപ്പിനുള്ള ബി.ജെ.പി സ്ഥാനാര്‍ത്ഥിപ്പട്ടികയില്‍ നിര്‍ണ്ണായക മാറ്റങ്ങള്‍ വരുത്താന്‍ കേന്ദ്ര നേതൃത്വം ഇടപെടുന്നതായി സൂചന. സംസ്ഥാന നേതൃത്വം തയ്യാറാക്കിയ ഏകദേശ പട്ടികയിലാണ് പ്രധാനമായും വെട്ടും തിരുത്തും നടക്കുന്നത്. മുന്‍ സംസ്ഥാന അധ്യക്ഷന്‍ കെ. സുരേന്ദ്രനെ മഞ്ചേശ്വരത്ത് തന്നെ മത്സരിപ്പിക്കാന്‍ കേന്ദ്ര നേതൃത്വം നിര്‍ദ്ദേശിച്ചതായാണ് വിവരം. നേരത്തെ അദ്ദേഹത്തെ പാലക്കാടോ വട്ടിയൂര്‍ക്കാവോ മത്സരിപ്പിക്കാനായിരുന്നു സംസ്ഥാന നേതൃത്വത്തിലെ ധാരണ. എന്നാല്‍, കഴിഞ്ഞ തിരഞ്ഞെടുപ്പുകളില്‍ മഞ്ചേശ്വരത്ത് കാഴ്ചവെച്ച ശക്തമായ പോരാട്ടം പരിഗണിച്ച് അദ്ദേഹം അവിടെത്തന്നെ മത്സരിക്കണമെന്ന് കേന്ദ്രം തീരുമാനിക്കുകയായിരുന്നു.