കണ്ണൂര്‍: നിയമസഭാ തിരഞ്ഞെടുപ്പിലെ കനത്ത തിരിച്ചടിക്ക് പിന്നാലെ സി.പി.എമ്മില്‍ പുകയുന്ന ആഭ്യന്തര കലഹം തെരുവിലേക്ക്. പേരാവൂരില്‍ പരാജയപ്പെട്ട മുന്‍ മന്ത്രി കെ.കെ. ശൈലജ സംസ്ഥാന സെക്രട്ടേറിയറ്റില്‍ ഉന്നയിച്ച കടുത്ത അതൃപ്തി പാര്‍ട്ടി നേതൃത്വത്തെ പ്രതിരോധത്തിലാക്കിയിരിക്കുകയാണ്. തനിക്ക് ഒട്ടും താല്‍പ്പര്യമില്ലാതിരുന്നിട്ടും നേതൃത്വം നിര്‍ബന്ധിച്ച് പേരാവൂരില്‍ മത്സരിപ്പിക്കുകയായിരുന്നുവെന്നും, അവിടെ ജയിക്കില്ലെന്ന് ഉറപ്പായിരുന്നിട്ടും തന്നെ ബലികൊടുക്കുകയായിരുന്നുവെന്നുമാണ് ശൈലജയുടെ ആരോപണം. ലോക്‌സഭാ തിരഞ്ഞെടുപ്പിലെ വടകരയിലെ തോല്‍വിക്ക് പിന്നാലെ നിയമസഭയിലും ശൈലജയ്ക്ക് കാലിടറിയത് പാര്‍ട്ടിക്കുള്ളിലെ ആസൂത്രിത നീക്കമാണെന്ന സംശയം ശൈലജ പക്ഷം ഉയര്‍ത്തുന്നുണ്ട്. ‘ജയിക്കില്ലെന്ന്