തിരുവനന്തപുരം: തിരുവനന്തപുരം നഗരത്തിലെ കവടിയാറില് അമിതവേഗതയിലെത്തിയ കാര് നിയന്ത്രണം തെറ്റി ഫുട്പാത്തിലേക്ക് പാഞ്ഞുകയറി ഉണ്ടായ ദാരുണമായ അപകടത്തില് യുവതി മരിച്ചു. പാലക്കാട് സ്വദേശിനി നൗഷിക (24) ആണ് മരിച്ചത്. അപകടത്തില് നൗഷികയുടെ ഭര്ത്താവ് ആഷിഖ് ഉള്പ്പെടെ ഏഴ് പേര്ക്ക് പരിക്കേറ്റു.
വെള്ളിയാഴ്ച രാവിലെ 10.30-ഓടെയാണ് അപകടമുണ്ടായത്. കവടിയാര് ഭാഗത്ത് ഫുട്പാത്തിലൂടെ നടന്നുപോവുകയായിരുന്നു നൗഷികയും ആഷിഖും. ഈ സമയം അമിതവേഗതയിലെത്തിയ കാര് നിയന്ത്രണം തെറ്റി ഇവര്ക്ക് മേലേക്ക് പാഞ്ഞുകയറുകയായിരുന്നു. തുടര്ന്ന് സമീപത്തുണ്ടായിരുന്ന മറ്റ് വാഹനങ്ങളിലും കാര് ഇടിച്ചുനിന്നു. കാര് വരുന്നത് കണ്ട് ഓടിമാറാന് പോലും സാധിക്കാത്ത വിധം മിന്നല് വേഗത്തിലായിരുന്നു ആഘാതമെന്ന് ദൃക്സാക്ഷികള് പറഞ്ഞു.
ഉടന് തന്നെ നൗഷികയെ പട്ടം എസ്.യു.ടി ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഭര്ത്താവ് ആഷിഖ് മറ്റൊരു സ്വകാര്യ ആശുപത്രിയില് ചികിത്സയിലാണ്. പരിക്കേറ്റ മറ്റ് അഞ്ച് പേരെയും വിവിധ ആശുപത്രികളില് പ്രവേശിപ്പിച്ചു. അപകടത്തിനിടയാക്കിയ കാര് ഡ്രൈവര് അശ്രദ്ധമായും അമിതവേഗത്തിലുമാണ് വാഹനം ഓടിച്ചതെന്ന് പ്രാഥമിക പരിശോധനയില് വ്യക്തമായിട്ടുണ്ട്.
സംഭവസ്ഥലത്തെത്തിയ പോലീസ് മേല്നടപടികള് സ്വീകരിച്ചു. അപകടത്തെത്തുടര്ന്ന് കവടിയാര് മേഖലയില് കുറച്ചുനേരം ഗതാഗത തടസ്സവുമുണ്ടായി.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ലോൺ ആപ്പുകളല്ല, ‘കൊല’ ആപ്പുകൾ! ജാഗ്രതാ നിർദ്ദേശവുമായി കേരള പോലീസ്
