ധാക്ക: ബംഗ്ലാദേശിന്റെ രാഷ്ട്രീയ ഭാഗധേയം നിര്‍ണ്ണയിച്ച കരുത്തുറ്റ വനിതാ നേതാവും മുന്‍ പ്രധാനമന്ത്രിയുമായ ഖാലിദ സിയ (80) അന്തരിച്ചു. ചൊവ്വാഴ്ച പുലര്‍ച്ചെ 6 മണിയോടെ ധാക്കയിലെ അപ്പോളോ ആശുപത്രിയിലായിരുന്നു അന്ത്യം. ശ്വാസകോശത്തിലെ അണുബാധയെത്തുടര്‍ന്ന് നവംബര്‍ 23 മുതല്‍ തീവ്രപരിചരണ വിഭാഗത്തില്‍ ചികിത്സയിലായിരുന്നു. രോഗങ്ങളോടുള ദീര്‍ഘകാലത്തെ പോരാട്ടത്തിനൊടുവിലാണ് അവര്‍ വിടവാങ്ങിയത്. ബംഗ്ലാദേശ് നാഷണലിസ്റ്റ് പാര്‍ട്ടി അധ്യക്ഷയായിരുന്നു ഖാലിദ, രാജ്യത്തെ ജനവിഭാഗങ്ങള്‍ക്കിടയില്‍ ‘ദേശീയ നായിക’യായാണ് അറിയപ്പെട്ടിരുന്നത്. 1981-ല്‍ ഭര്‍ത്താവും പ്രസിഡന്റുമായിരുന്ന സിയാവുര്‍ റഹ്‌മാന്‍ വധിക്കപ്പെട്ടതോടെയാണ് അവര്‍ രാഷ്ട്രീയത്തിലേക്ക് എത്തുന്നത്. 1991-ല്‍