തിരുവനന്തപുരം: ബാംഗളൂര്‍ നഗരപരിധിയോടടുത്ത യലഹങ്കയ്ക്ക് സമീപം കോഗിലു ഗ്രാമത്തില്‍ മുസ്ലിം ന്യൂനപക്ഷങ്ങളും അതിദരിദ്രരുമടങ്ങുന്ന സമൂഹം താമസിച്ചിരുന്ന നാനൂറിലധികം കുടിലുകളും വീടുകളും ബുള്‍ഡോസര്‍ ഉപയോഗിച്ച് തകര്‍ത്തു തരിപ്പണമാക്കി മൂവായിരത്തോളം പേരെ കുടിയൊഴിപ്പിച്ച നടപടി കടുത്ത പ്രതിഷേധാര്‍ഹമാണെന്ന് പീപ്പിള്‍സ് ഡെമോക്രാറ്റിക് പാര്‍ട്ടി (പി.ഡി.പി.) കേന്ദ്രകമ്മിറ്റി അറിയിച്ചു. ഉത്തരേന്ത്യന്‍ സംസ്ഥാനങ്ങളില്‍ സംഘപരിവാര്‍ ഭരണകൂടങ്ങള്‍ നടപ്പാക്കുന്ന ‘ബുള്‍ഡോസര്‍ രാജ്’ നയത്തിന്റെ ആവര്‍ത്തനം കോണ്‍ഗ്രസ് നേതൃത്വത്തിലുള്ള കര്‍ണാടക സര്‍ക്കാരില്‍ നിന്നുണ്ടായത്, ‘വെറുപ്പിന്റെ കമ്പോളത്തില്‍ സ്‌നേഹത്തിന്റെ കട’ തുറക്കുന്നുവെന്ന രാഷ്ട്രീയവാദം കാപട്യമാണെന്ന് തെളിയിക്കുന്നതാണെന്ന് പി.ഡി.പി. ചൂണ്ടിക്കാട്ടി.