തിരുവനന്തപുരം: വലിയ വിവാദങ്ങൾക്ക് വഴിതുറന്ന തൃശൂർ പൂരം കലക്കലിൽ പൊലീസിനെ കുറ്റവിമുക്തരാക്കി ക്രൈംബ്രാഞ്ച് റിപ്പോർട്ട്. പൂരം അലങ്കോലപ്പെട്ടത് പൊലീസിന്റെ ബോധപൂർവ്വമായ ഇടപെടൽ മൂലമല്ലെന്നും തിരുവമ്പാടി ദേവസ്വത്തിന്റെ കടുപ്പമേറിയ നിലപാടുകളാണ് പ്രതിസന്ധിക്ക് കാരണമായതെന്നും എ.ഡി.ജി.പിക്ക് കൈമാറിയ റിപ്പോർട്ടിൽ വ്യക്തമാക്കുന്നു. 16 മാസം നീണ്ട വിശദമായ അന്വേഷണത്തിനൊടുവിലാണ് ക്രൈംബ്രാഞ്ച് ഈ നിഗമനത്തിലെത്തിയത്. വിവാദത്തിൽ ഉൾപ്പെട്ട എ.ഡി.ജി.പി അജിത് കുമാറിനെതിരെ റിപ്പോർട്ടിൽ പരാമർശമില്ലെന്നാണ് സൂചന. മഠത്തിൽ വരവ് സമയത്ത് പൊലീസ് ലാത്തിച്ചാർജ് നടത്തിയിട്ടില്ലെന്നും ക്രൈംബ്രാഞ്ച് കണ്ടെത്തലിലുണ്ട്. പൊലീസിന്റെ ഭാഗത്തുനിന്ന് ഗൂഢാലോചന നടന്നു