കൊച്ചി: രാഹുൽ മാങ്കൂട്ടത്തിൽ എം.എൽ.എയ്ക്കെതിരായ ബലാത്സംഗക്കേസിൽ നിർണ്ണായക നിരീക്ഷണങ്ങളുമായി ഹൈക്കോടതി മുൻകൂർ ജാമ്യം അനുവദിച്ചു. പരാതിക്കാരിയും രാഹുലും തമ്മിലുള്ള ബന്ധം ഉഭയസമ്മതപ്രകാരമുള്ളതാണെന്ന് വാട്സാപ്പ് ചാറ്റുകളിൽ നിന്ന് വ്യക്തമാണെന്ന് ജസ്റ്റിസ് കൗസർ എടപ്പഗത്ത് ഉത്തരവിൽ ചൂണ്ടിക്കാട്ടി. പ്രണയബന്ധങ്ങൾ തകരുമ്പോൾ അവയെ ക്രിമിനൽ കുറ്റമാക്കുന്ന പ്രവണത ശരിയല്ലെന്നും കോടതി നിരീക്ഷിച്ചു. ഗർഭഛിദ്രം നടന്നത് പരാതിക്കാരിയുടെ പൂർണ്ണ സമ്മതത്തോടെയാണെന്നാണ് കോടതിയുടെ പ്രാഥമിക വിലയിരുത്തൽ. രാഹുലിന്റെ സുഹൃത്ത് നൽകിയ മരുന്ന് യുവതി ആവശ്യപ്പെട്ടതനുസരിച്ചാണെന്ന് ചാറ്റുകളിൽ നിന്ന് വ്യക്തമാണ്. പീഡനം നടന്നുവെന്ന് ആരോപിക്കുന്ന ദിവസത്തിന്