തിരുവനന്തപുരം: ആലപ്പുഴ മെഡിക്കല്‍ കോളേജിലെ ചികിത്സാപ്പിഴവിന്റെ പേരില്‍ ആരോഗ്യ മന്ത്രി വീണ ജോര്‍ജിനെ വ്യക്തിപരമായി വേട്ടയാടാന്‍ ഇറങ്ങിത്തിരിച്ച പ്രതിപക്ഷത്തിന് സി.പി.എമ്മിന്റെ മുന്നറിയിപ്പ്. മന്ത്രിയുടെ വീട് ആക്രമിച്ചും പൊതുപരിപാടികള്‍ തടസ്സപ്പെടുത്തിയും നാടാകെ കലാപമുണ്ടാക്കാന്‍ ശ്രമിക്കുന്ന യു.ഡി.എഫിന്റെ കളി കയ്യുംകെട്ടി നോക്കിനില്‍ക്കില്ലെന്ന് സിപിഎം സംസ്ഥാന സെക്രട്ടേറിയറ്റ് ആഞ്ഞടിച്ചു. മന്ത്രിയുടെ വീടിന്റെ ഗേറ്റ് തകര്‍ത്ത് അകത്തുകയറി റീത്ത് വെച്ചതും പോലീസ് വാഹനം തല്ലിപ്പൊളിച്ചതും ജനാധിപത്യപരമായ സമരമല്ലെന്നും വെറും ‘അലമ്പ്’ ആണെന്നുമാണ് പാര്‍ട്ടിയുടെ പക്ഷം. കോണ്‍ഗ്രസിന്റെ രാഷ്ട്രീയ ഉപദേശകന്‍ സുനില്‍ കനഗോലു മറ്റ്