തിരുവനന്തപുരം: സംസ്ഥാന പോലീസ് സേനയില് ഒരു സുപ്രധാന അഴിച്ചുപണിയ്ക്ക് സാധ്യത. മലപ്പുറം ജില്ലാ പോലീസ് മേധാവിയായി (എസ്.പി) ചൈത്ര തെരേസ ജോണ് ഐ.പി.എസിനെ നിയമിച്ചേക്കും.
ചാനല് ഓഹരിയില് ജീവനക്കാര്ക്കും പങ്കാളിത്തം; ലക്ഷ്മി പത്മയും അപര്ണ്ണാ കുറുപ്പും ശ്രുതിയും വേണുവും പിന്നെ ജോഷി കുര്യനും ബിഗ് ടിവിയില്; അനില് അയിരൂരിന്റെ തന്ത്രങ്ങളില് പ്രതീക്ഷ; ജെന്സികളെ പിടിക്കാന് യുട്യൂബില് തല്സമയ ചാനലുമായി മനോരമ; സാറ്റലൈറ്റും ഡിജിറ്റലും ഇനി ഒരു പോലെ; ‘ഹൈബ്രിഡ്’ മാധ്യമ സംസ്കാരത്തിലേക്ക് കേരളം വഴിമാറുമ്പോള്
തന്റെ ഔദ്യോഗിക ജീവിതത്തില് കര്ശന നിലപാടുകളിലൂടെയും ധീരമായ ഇടപെടലുകളിലൂടെയും കേരളത്തില് ഏറെ ശ്രദ്ധ നേടിയ ഉദ്യോഗസ്ഥയാണ് ചൈത്ര തെരേസ ജോണ്. ക്രമസമാധാന പാലനം ഉറപ്പാക്കുന്നതിലും നിയമവിരുദ്ധ പ്രവര്ത്തനങ്ങള് തടയുന്നതിലും മികച്ച ട്രാക്ക് റെക്കോര്ഡുള്ള ഇവരുടെ പുതിയ നിയമനം ഉടന് ഉണ്ടാകും. ചൈത്ര രാഷ്ട്രീയ ഭേദമന്യേയും മുഖം നോക്കാതെയും സ്വീകരിച്ച പല നടപടികളും മുന്പ് വലിയ വാര്ത്തയായിരുന്നു. തിരുവനന്തപുരം സി.പി.എം ജില്ലാ കമ്മിറ്റി ഓഫീസില് അര്ദ്ധരാത്രി റെയ്ഡ് നടത്തി രാഷ്ട്രീയ കേരളത്തെ ഞെട്ടിച്ച ചൈത്ര തെരേസ ജോണ് പല സുപ്രധാന ചുമതലകളും വഹിച്ചിട്ടുണ്ട്.
നിലവില് വനിതാ സെല് എസ്.പിയായി പ്രവര്ത്തിക്കുന്ന ചൈത്രയെ, ക്രമസമാധാന ചുമതലയുള്ള സുപ്രധാന ജില്ലകളിലൊന്നായ മലപ്പുറത്തേക്ക് പരിഗണിക്കുന്നത് സേനയ്ക്കുള്ളിലും രാഷ്ട്രീയ കേന്ദ്രങ്ങളിലും വലിയ ചര്ച്ചയായിട്ടുണ്ട്. തിരുവനന്തപുരം ഡി.സി.പിയുടെ താല്ക്കാലിക ചുമതല വഹിക്കവെയാണ് ചൈത്ര തെരേസ ജോണ് സി.പി.എം ജില്ലാ കമ്മിറ്റി ഓഫീസില് റെയ്ഡ് നടത്തിയത്.
ശബരിമല സ്വര്ണ്ണക്കൊള്ള: കടകംപള്ളി സുരേന്ദ്രനെതിരെ നീങ്ങാന് ആഭ്യന്തര വകുപ്പിന്റെ പച്ചക്കൊടി; അന്വേഷണം എഡിജിപി നേരിട്ട് ഏറ്റെടുക്കുന്നു
മെഡിക്കല് കോളേജ് പോലീസ് സ്റ്റേഷന് കല്ലെറിഞ്ഞ കേസിലെ പ്രതികള് പാര്ട്ടി ഓഫീസിലുണ്ടെന്ന രഹസ്യ വിവരത്തെത്തുടര്ന്നായിരുന്നു ഈ ധീരമായ നീക്കം. കീഴുദ്യോഗസ്ഥര് പിന്തിരിപ്പിക്കാന് ശ്രമിച്ചിട്ടും നിലപാടില് ഉറച്ചുനിന്ന ചൈത്ര റെയ്ഡുമായി മുന്നോട്ട് പോയി. ഇതിന് പിന്നാലെ ഭരണതലത്തില് നിന്ന് കടുത്ത സമ്മര്ദ്ദമുണ്ടാകുകയും അവധിയിലായിരുന്ന ഉദ്യോഗസ്ഥനെ മടക്കിവിളിച്ച് ചൈത്രയെ ആ സ്ഥാനത്ത് നിന്ന് മാറ്റുകയും ചെയ്തിരുന്നു.
സ്വര്ണ്ണക്കടത്തുകാരുടെ പേടിസ്വപ്നമായിരുന്ന പ്രമുഖ ഐ.ആര്.എസ് ഉദ്യോഗസ്ഥന് ഡോ. ജോണ് ജോസഫിന്റെ മകളാണ് ചൈത്ര. അഴിമതിക്കെതിരെയുള്ള പോരാട്ടത്തില് അച്ഛന്റെ അതേ പാത പിന്തുടരുന്ന ചൈത്ര, 2016 ബാച്ച് ഐ.പി.എസ് ഉദ്യോഗസ്ഥയാണ്. കരാട്ടെയില് ബ്ലാക്ക് ബെല്റ്റ് ജേതാവ് കൂടിയാണ്. കോഴിക്കോട് ഈസ്റ്റ്ഹില് സ്വദേശിയായ ചൈത്രയുടെ മാതാവ് ഡോ. മേരി എബ്രഹാം വെറ്ററിനറി വകുപ്പ് ജോയിന്റ് ഡയറക്ടറായി വിരമിച്ചയാളാണ്.
ഈ യുവ ഉദ്യോഗസ്ഥ മലപ്പുറം ജില്ലയുടെ ചുമതല ഏല്ക്കുന്നത് ഗുണ്ടാവേട്ടയും ലഹരിവിരുദ്ധ പോരാട്ടവും ശക്തമാക്കാന് സഹായിക്കുമെന്നാണ് വിലയിരുത്തപ്പെടുന്നത്.
