തൃശൂര്‍: തൃശൂര്‍ പൂരത്തിന് മുന്നോടിയായി പാറമേക്കാവ് ദേവസ്വത്തിന് വേണ്ടി വെടിക്കെട്ട് സാമഗ്രികള്‍ നിര്‍മ്മിച്ചിരുന്ന പടക്ക നിര്‍മ്മാണശാലയ്ക്ക് സ്റ്റോപ്പ് മെമ്മോ. പാലക്കാട് മുതലമട വെള്ളാരംകടവിലുള്ള വെടിമരുന്ന് നിര്‍മ്മാണശാലയുടെ പ്രവര്‍ത്തനമാണ് ജില്ലാ കളക്ടറുടെ ഉത്തരവിനെത്തുടര്‍ന്ന് തടഞ്ഞത്. തൃശൂര്‍ പൂരം വെടിക്കെട്ടിനായി സാമഗ്രികള്‍ ഒരുക്കുന്ന പ്രധാന കേന്ദ്രങ്ങളില്‍ ഒന്നാണിത്. ഇതോടെ തൃശൂര്‍ പൂരത്തിന് വെടിക്കെട്ടുണ്ടാകില്ലെന്ന് ഉറപ്പായി. മുതലമടയിലെ നിര്‍മ്മാണശാലയില്‍ പരിശോധന നടത്തിയ ചിറ്റൂര്‍ തഹസില്‍ദാര്‍ ആര്‍. രാമചന്ദ്രനാണ് കളക്ടറുടെ നിര്‍ദ്ദേശപ്രകാരം സ്റ്റോപ്പ് മെമ്മോ കൈമാറിയത്. കഴിഞ്ഞ ദിവസം തൃശൂര്‍ മുണ്ടത്തിക്കോട്ടുണ്ടായ വെടിക്കെട്ടപകടത്തിന്റെ