തിരുവനന്തപുരം: ഭരണഘടനാ വിരുദ്ധ പ്രസംഗക്കേസില്‍ മന്ത്രി സജി ചെറിയാനെ കുറ്റവിമുക്തനാക്കി ക്രൈംബ്രാഞ്ച് തയ്യാറാക്കിയ തുടരന്വേഷണ റിപ്പോര്‍ട്ട് ക്രൈംബ്രാഞ്ച് മേധാവി മടക്കി. അന്വേഷണത്തില്‍ ഗുരുതരമായ വീഴ്ചകളുണ്ടെന്ന് ചൂണ്ടിക്കാട്ടിയാണ് നടപടി. വിവാദ പ്രസംഗത്തിന്റെ ഡിജിറ്റല്‍ തെളിവുകള്‍ ശേഖരിക്കുന്നതിലും സാക്ഷിമൊഴികള്‍ രേഖപ്പെടുത്തുന്നതിലും അന്വേഷണസംഘം കടുത്ത അനാസ്ഥ കാട്ടിയെന്നാണ് വിലയിരുത്തല്‍. സജി ചെറിയാന് ക്ലീന്‍ ചിറ്റ് നല്‍കാനുള്ള പോലീസിന്റെ നീക്കത്തിന് ഇതോടെ തിരിച്ചടിയേറ്റിരിക്കുകയാണ്. മല്ലപ്പള്ളിയിലെ പ്രസംഗം ഫെയ്സ്ബുക്കില്‍ ലൈവ് ചെയ്ത മൊബൈല്‍ ഫോണ്‍ കണ്ടെത്താനായില്ലെന്നും ലൈവ് വീഡിയോയുടെ ലിങ്ക് നശിപ്പിക്കപ്പെട്ടെന്നും കാട്ടിയാണ് തെളിവില്ലെന്ന