കൊച്ചി: ഹണിട്രാപ്പില്‍ കുടുക്കി ഭിന്നശേഷിക്കാരനായ യുവാവിനെ ക്രൂരമായി മര്‍ദിച്ച കേസില്‍ പിടിയിലായിട്ടും യാതൊരു കുറ്റബോധവുമില്ലാതെ മുഖ്യപ്രതി സഫീനയുടെ പെരുമാറ്റം ഏവര്‍ക്കും ഞെട്ടലായി. പോലീസ് സ്റ്റേഷനിലെത്തിച്ചപ്പോഴും മാധ്യമങ്ങള്‍ വിവരമറിയാന്‍ എത്തിയപ്പോഴും തികഞ്ഞ ലാഘവത്തോടെയാണ് സഫീന പ്രതികരിച്ചത്. തന്നെ പകര്‍ത്താന്‍ ശ്രമിച്ച ക്യാമറകള്‍ക്ക് മുന്നില്‍ നിന്ന് പുഞ്ചിരിച്ച സഫീന, ‘നല്ല ഫോട്ടോ എടുക്കണേ’ എന്ന് ചിരിച്ചുകൊണ്ട് വിളിച്ച് പറഞ്ഞത് കണ്ടുനിന്നവരിലും ഉദ്യോഗസ്ഥരിലും ഒരുപോലെ അമ്പരപ്പുണ്ടാക്കി. അന്വേഷണ ഉദ്യോഗസ്ഥന്‍ കേസിന്റെ വിശദാംശങ്ങള്‍ മാധ്യമപ്രവര്‍ത്തകരോട് വിശദീകരിക്കുമ്പോഴും യാതൊരു കൂസലുമില്ലാതെ തൊട്ടുപിന്നില്‍ പുഞ്ചിരിച്ചു നില്‍ക്കുകയായിരുന്നു