തിരുവനന്തപുരം : പ്രധാനമന്ത്രി നരേന്ദ്രമോദി ജനുവരി അവസാനത്തോടെ തിരുവനന്തപുരം കോര്‍പ്പറേഷനിലെത്തുമെന്ന് ഔദ്യോഗിക സ്ഥിതീകരണം ലഭിച്ചു. മോദി തിരുവനന്തപുരത്തെത്തുമ്പോള്‍ ബിജെപിയുടെ മേയര്‍ കോട്ടിട്ട് സ്വീകരിക്കണമെന്ന ബിജെപി പ്രവര്‍ത്തകരുടെ ആഗ്രഹം ഇത്തവണ നടക്കും. കോര്‍പ്പറേഷനിലെത്തുന്ന പ്രധാനമന്ത്രി അനന്തപുരിയുടെ സമഗ്ര വികസന രേഖ പുറത്തിറക്കുമെന്നാണ് ബിജെപി അറിയിച്ചിരിക്കുന്നത്. ബിജെപി കോര്‍പ്പറേഷന്റെ അധികാരത്തിലെത്തിയാല്‍ പ്രധാനമന്ത്രി തലസ്ഥാനത്തെത്തുമെന്ന് വോട്ടര്‍മാര്‍ക്ക് ബിജെപി തിരഞ്ഞെടുപ്പ് വേളയില്‍ വാഗ്ദാനം നല്‍കിയിരുന്നു. വിഴിഞ്ഞം അന്താരാഷ്ട്ര തുറമുഖ ഉദ്ഘാടനത്തിനാണ് പ്രധാനമന്ത്രി അവസാനമായി കേരളം സന്ദര്‍ശിച്ചത്. പ്രധാനമന്ത്രിയോടൊപ്പം മുതിര്‍ന്ന ബിജെപി നേതാക്കളും തിരുവനന്തപുരത്തെത്തും.