കോഴിക്കോട്: വരാനിരിക്കുന്ന നിയമസഭാ തിരഞ്ഞെടുപ്പില് ഭരണപക്ഷത്തിന് വന് രാഷ്ട്രീയ തിരിച്ചടിയുണ്ടാക്കുക എന്ന ലക്ഷ്യത്തോടെ മുഖ്യമന്ത്രി പിണറായി വിജയനും സ്വര്ണ്ണക്കൊള്ളക്കേസ് പ്രതി ഉണ്ണിക്കൃഷ്ണന് പോറ്റിയും ഒരുമിച്ച് നില്ക്കുന്ന വ്യാജ എഐ ചിത്രം പ്രചരിപ്പിച്ച സംഭവത്തില് കോണ്ഗ്രസ് നേതാവിനെതിരെ പോലീസ് കേസെടുത്തു. കെപിസിസി രാഷ്ട്രീയ കാര്യ സമിതി അംഗം എന്. സുബ്രഹ്മണ്യനെതിരെയാണ് കോഴിക്കോട് ചേവായൂര് പോലീസ് കേസ് രജിസ്റ്റര് ചെയ്തത്. മുഖ്യമന്ത്രി പ്രതിയുടെ ചെവിയില് മന്ത്രിക്കുന്ന രീതിയിലുള്ള ദൃശ്യങ്ങള് ആര്ട്ടിഫിഷ്യല് ഇന്റലിജന്സ് ഉപയോഗിച്ച് നിര്മ്മിച്ചതാണെന്നും ഇത് രാഷ്ട്രീയ സംഘര്ഷമുണ്ടാക്കാനുള്ള ബോധപൂര്വ്വമായ ശ്രമമാണെന്നും പോലീസ് എഫ്ഐആറില് വ്യക്തമാക്കുന്നു.
യു. പ്രതിഭയ്ക്കെതിരായ സ്ത്രീവിരുദ്ധ പരാമര്ശം: പ്രതിയെ അറസ്റ്റ് ചെയ്ത് ജാമ്യത്തില് വിട്ടു; നിയമനടപടികള് ‘പെറ്റി’ കേസില് ഒതുങ്ങും
ശബരിമല സ്വര്ണ്ണക്കൊള്ളക്കേസ് പ്രതിയുമായി മുഖ്യമന്ത്രിക്കുള്ള അവിശുദ്ധ ബന്ധത്തിന്റെ തെളിവാണിതെന്ന അടിക്കുറിപ്പോടെയാണ് ചിത്രം ഫെയ്സ്ബുക്കില് പങ്കുവെക്കപ്പെട്ടത്. ഭാരതീയ ന്യായ സംഹിതയിലെ സെക്ഷന് 192 (കലാപശ്രമം), കേരള പോലീസ് ആക്ടിലെ സെക്ഷന് 120 (വ്യാജ പ്രചാരണം വഴി പൊതുജന ശല്യമുണ്ടാക്കല്) എന്നീ ഗുരുതരമായ വകുപ്പുകളാണ് സുബ്രഹ്മണ്യനെതിരെ ചുമത്തിയിരിക്കുന്നത്. നേരത്തെ ഈ വിഷയത്തില് ‘പോറ്റിയേ കേറ്റിയേ’ എന്ന പരിഹാസ ഗാനം ചര്ച്ചയായപ്പോള് മിതത്വം പാലിച്ച പോലീസ്, സാങ്കേതികവിദ്യ ഉപയോഗിച്ച് വ്യാജ തെളിവുകള് ചമയ്ക്കുന്നതിനെതിരെ കര്ശന നടപടികളിലേക്ക് നീങ്ങുകയാണ്.
വിവാദം കൊഴുക്കുന്നതിനിടെ, ഉണ്ണിക്കൃഷ്ണന് പോറ്റിയും കേസിലെ മറ്റൊരു പ്രതിയും സോണിയാ ഗാന്ധിയുമായി കൂടിക്കാഴ്ച നടത്തുന്ന ചിത്രങ്ങള് സിപിഎം പുറത്തുവിട്ടത് വലിയ രാഷ്ട്രീയ പോരിന് വഴിവെച്ചിട്ടുണ്ട്. മുതിര്ന്ന നേതാക്കള്ക്ക് പോലും ലഭിക്കാത്ത ഈ അവസരം പ്രതികള്ക്ക് എങ്ങനെ ലഭിച്ചുവെന്ന് മുഖ്യമന്ത്രി ചോദിച്ചതോടെയാണ്, അതിനെ പ്രതിരോധിക്കാന് മുഖ്യമന്ത്രിയും പോറ്റിയും തമ്മിലുള്ള ചിത്രം കോണ്ഗ്രസ് ഗ്രൂപ്പുകളില് സജീവമായത്. എന്നാല് ഇത്തരം വ്യാജ നിര്മ്മിതികള് സമാധാന അന്തരീക്ഷം തകര്ക്കുമെന്ന് വിലയിരുത്തുന്ന സൈബര് സെല്, വരും ദിവസങ്ങളില് കൂടുതല് പേര്ക്കെതിരെ നടപടിയുണ്ടാകുമെന്ന സൂചനയാണ് നല്കുന്നത്.
മുഖ്യമന്ത്രി ചർച്ചകളിൽ അതൃപ്തി; നേതാക്കൾക്ക് താക്കീതുമായി കെ.സി. വേണുഗോപാൽ
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
