തിരുവനന്തപുരം: നിയമസഭാ തെരഞ്ഞെടുപ്പിലെ ആദ്യഘട്ട സ്ഥാനാര്‍ത്ഥി പട്ടിക പുറത്ത് വിട്ട് ബിജെപി. 47 മണ്ഡലങ്ങളിലെ സ്ഥാനാര്‍ത്ഥികളെയാണ് പ്രഖ്യാപിച്ചത്. ആദ്യ പട്ടികയില്‍ ഒരു കേന്ദ്ര മന്ത്രി, രണ്ട് മുന്‍ കേന്ദ്ര മന്ത്രിമാരും ഉള്‍പ്പെടുന്നുണ്ട്. എല്ലാ വിഭാഗങ്ങള്‍ക്കും പട്ടികയില്‍ മുന്‍ഗണന നല്‍കുന്നുണ്ടെന്നും രണ്ടു ദിവസത്തിനുള്ളില്‍ മുഴുവന്‍ സ്ഥാനാര്‍ത്ഥിയെയും പ്രഖ്യാപിക്കുമെന്നും സംസ്ഥാന അധ്യക്ഷന്‍ രാജീവ് ചന്ദ്രശേഖര്‍ പറഞ്ഞു. നേമത്ത് രാജീവ് ചന്ദ്രശേഖര്‍ മത്സരിക്കും. വട്ടിയൂര്‍ക്കാവില്‍ മുന്‍ ഡിജിപി ശ്രീലേഖയാണ് മത്സരിക്കുന്നത്. തിരുവനന്തപുരം സെന്‍ട്രലില്‍ സ്ഥാനാര്‍ത്ഥിയെ പ്രഖ്യാപിച്ചിട്ടില്ല. വിജയ സാധ്യതയുള്ള സീറ്റായാണ് ഇതിനെ