ന്യൂഡൽഹി: 2025-ലെ കേന്ദ്ര സാഹിത്യ അക്കാദമി പുരസ്കാരങ്ങൾ പ്രഖ്യാപിച്ചു. മലയാളത്തിൽ പ്രമുഖ എഴുത്തുകാരൻ എൻ. പ്രഭാകരൻ രചിച്ച ‘മായാമനുഷ്യർ’ എന്ന നോവലാണ് പുരസ്കാരത്തിന് അർഹമായത്. മലയാളം ഉൾപ്പെടെ 24 ഇന്ത്യൻ ഭാഷകളിലെ മികച്ച കൃതികൾക്കുള്ള അവാർഡുകളാണ് അക്കാദമി ഇപ്പോൾ ഔദ്യോഗികമായി പുറത്തുവിട്ടിരിക്കുന്നത്.ഇത്തവണത്തെ പുരസ്കാര പ്രഖ്യാപനം അല്പം നാടകീയമായ നീക്കങ്ങൾക്കൊടുവിലാണ് നടന്നത്. ജൂറി നിശ്ചയിച്ച പട്ടിക നേരത്തെ പുറത്തുവന്നിരുന്നെങ്കിലും അവസാന നിമിഷം പ്രഖ്യാപനം മാറ്റിവെച്ചത് വലിയ വിവാദങ്ങൾക്ക് വഴിതെളിച്ചിരുന്നു. എന്നാൽ ജൂറി ആദ്യം തിരഞ്ഞെടുത്ത പേരുകളിൽ മാറ്റം വരുത്താതെ തന്നെയാണ് ഇപ്പോൾ അന്തിമ പട്ടിക പ്രസിദ്ധീകരിച്ചിരിക്കുന്നത്.
മലയാള നോവൽ സാഹിത്യത്തിലെ ശ്രദ്ധേയമായ രചനയാണ് എൻ. പ്രഭാകരന്റെ ‘മായാമനുഷ്യർ’. ഇതിനോടകം വായനക്കാരുടെ ഇടയിൽ വലിയ ചർച്ചയായ ഈ കൃതിക്ക് ലഭിക്കുന്ന ഏറ്റവും വലിയ അംഗീകാരമാണിത്. കേരള സാഹിത്യ അക്കാദമി അവാർഡ് ഉൾപ്പെടെ നിരവധി പുരസ്കാരങ്ങൾ മുൻപും ഇദ്ദേഹത്തെ തേടിയെത്തിയിട്ടുണ്ട്.ഒരു ലക്ഷം രൂപയും ഫലകവും അടങ്ങുന്നതാണ് പുരസ്കാരം. ഡൽഹിയിൽ നടക്കുന്ന ചടങ്ങിൽ പുരസ്കാരങ്ങൾ വിതരണം ചെയ്യും.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ബാലഗോപാലിന്റെ ഫോണിലൂടെ ബിന്ദു മേനോനുമായി സംസാരിച്ച ഗണേഷ് കുമാര് മാപ്പു പറഞ്ഞു; ‘എനിക്ക് നീയും നിനക്ക് ഞാനും മാത്രമേയുള്ളൂ’ എന്ന് വൈകാരികമായി പ്രതികരിച്ച് മന്ത്രി; ആ പ്രശ്നം പരിഹരിച്ചത് ‘ഗുരുവായൂര് നയതന്ത്രം’!
