ന്യൂഡല്ഹി: രാജ്യം റിപ്പബ്ലിക് ദിനത്തോടനുബന്ധിച്ച് നല്കുന്ന 2026-ലെ പത്മ പുരസ്കാരങ്ങള് കേന്ദ്ര ആഭ്യന്തര മന്ത്രാലയം പ്രഖ്യാപിച്ചു. കല, സാഹിത്യം, വിദ്യാഭ്യാസം, പൊതുപ്രവര്ത്തനം, വൈദ്യശാസ്ത്രം തുടങ്ങി വിവിധ മേഖലകളില് മികച്ച സേവനം കാഴ്ചവെച്ച 131 പേരെയാണ് ഇത്തവണ പുരസ്കാരത്തിനായി തെരഞ്ഞെടുത്തത്. 5 പേര്ക്ക് പത്മവിഭൂഷണും 13 പേര്ക്ക് പത്മഭൂഷണും 113 പേര്ക്ക് പത്മശ്രീയും ലഭിക്കും.
അരുംകൊല!! മക്കളുടെ മുന്നിലിട്ട് ഭാര്യയെ കഴുത്തറുത്ത് കൊന്ന് ഭർത്താവ്
മലയാളികള്ക്ക് ഏറെ അഭിമാനിക്കാവുന്ന നേട്ടമാണ് ഇത്തവണത്തെ പുരസ്കാരപ്പട്ടികയിലുള്ളത്. അഭിനയരംഗത്തെ സമഗ്ര സംഭാവനകള് പരിഗണിച്ച് മെഗാസ്റ്റാര് മമ്മൂട്ടി പത്മഭൂഷണ് പുരസ്കാരത്തിന് അര്ഹനായി. കേരളത്തിന്റെ മുന് മുഖ്യമന്ത്രിയും മുതിര്ന്ന നേതാവുമായ വി.എസ്. അചുതാനന്ദന് മരണാനന്തര ബഹുമതിയായി പത്മവിഭൂഷണ് പ്രഖ്യാപിച്ചു.
പത്മ പുരസ്കാരങ്ങളുടെ വിശദാംശങ്ങള്:
മൊത്തം പുരസ്കാരങ്ങള്: 131 (ഇതില് രണ്ട് ജോഡി കേസുകളും ഉള്പ്പെടുന്നു).
പത്മവിഭൂഷണ്: 5 പേര്ക്ക്.
പത്മഭൂഷണ്: 13 പേര്ക്ക്.
പത്മശ്രീ: 113 പേര്ക്ക്.
സ്ത്രീകള്: പുരസ്കാര ജേതാക്കളില് 19 പേര് സ്ത്രീകളാണ്.
മരണാനന്തര ബഹുമതി: വി.എസ്. അചുതാനന്ദന് ഉള്പ്പെടെ 16 പേര്ക്ക് പുരസ്കാരം മരണാനന്തരമായി നല്കുന്നു.
വിദേശികള്/എന്.ആര്.ഐ: വിദേശ രാജ്യങ്ങളില് നിന്നുള്ള 6 പേരും പട്ടികയില് ഇടംപിടിച്ചു.
എസ്. സജീവ് സംസ്ഥാന ജയിൽ വകുപ്പ് ഡി ഐ ജി; ഉദ്യോഗക്കയറ്റത്തോടെ പുതിയ നിയമനം
പട്ടികയിലെ പ്രധാനികള്:
പത്മവിഭൂഷണ്: വി.എസ്. അചുതാനന്ദന് (പൊതുപ്രവര്ത്തനം), ധര്മേന്ദ്ര സിംഗ് ഡിയോള് (മരണാനന്തരം-കല), കെ.ടി. തോമസ് (പൊതുപ്രവര്ത്തനം), എം.എസ്. എന്. രാജം (കല), പി. നാരായണന് (സാഹിത്യം, വിദ്യാഭ്യാസം).
പത്മഭൂഷണ്: മമ്മൂട്ടി (കല), അല്ക്ക യാഗ്നിക് (കല), ഭഗത് സിംഗ് കോശിയാരി (പൊതുപ്രവര്ത്തനം), ഉദയ് കൊട്ടക് (വ്യാപാരം-വ്യവസായം) എന്നിവര് ഈ പട്ടികയിലുണ്ട്.
പത്മശ്രീ: ക്രിക്കറ്റ് താരം രോഹിത് ശര്മ (മഹാരാഷ്ട്ര), ഹര്മന്പ്രീത് കൗര് ഭുള്ളര് (പഞ്ചാബ്) തുടങ്ങിയ കായിക താരങ്ങള് പത്മശ്രീ നേടി.
രാഷ്ട്രപതി ഭവനില് പിന്നീട് ചടങ്ങില് രാഷ്ട്രപതി പുരസ്കാരങ്ങള് വിതരണം ചെയ്യും. കേരളത്തില് നിന്ന് ഇത്തവണ മികച്ച സാന്നിധ്യമാണ് പട്ടികയിലുള്ളത്. സയന്സ് ആന്ഡ് എന്ജിനീയറിങ് വിഭാഗത്തില് എ.ഇ. മുത്തുനായകം, കലാരംഗത്ത് കലാമണ്ഡലം വിമല മേനോന് തുടങ്ങിയവരും പത്മശ്രീക്ക് അര്ഹരായി.
