തിരുവനന്തപുരം: വിപ്ലവനായകന് വി.എസ്. അച്യുതാനന്ദന് മരണാനന്തര ബഹുമതിയായി രാജ്യം പത്മവിഭൂഷണ് പ്രഖ്യാപിച്ചതിന് പിന്നാലെ, പുരസ്കാരം സ്വീകരിക്കുന്നത് സംബന്ധിച്ച് അനിശ്ചിതത്വം തുടരുന്നു. പുരസ്കാര വാര്ത്തയില് വിഎസിന്റെ മകന് വി.എ. അരുണ്കുമാര് സന്തോഷം പ്രകടിപ്പിച്ചെങ്കിലും, പാര്ട്ടി നിലപാടിന് വിധേയമായി മാത്രമേ അന്തിമ തീരുമാനമെടുക്കൂ എന്നാണ് സൂചന.
ജനങ്ങള്ക്കിടയില് പ്രവര്ത്തിക്കുന്നവര്ക്ക് ഇത്തരം ഔദ്യോഗിക ബഹുമതികള് ആവശ്യമില്ലെന്നതാണ് സി.പി.എമ്മിന്റെ കാലാകാലങ്ങളായുള്ള നയം. മുന്പ് ഇ.എം.എസ്. നമ്പൂതിരിപ്പാട്, ജ്യോതി ബസു, ബുദ്ധദേവ് ഭട്ടാചാര്യ തുടങ്ങിയ മുതിര്ന്ന നേതാക്കള്ക്ക് പത്മ പുരസ്കാരങ്ങള് പ്രഖ്യാപിക്കപ്പെട്ടപ്പോഴും പാര്ട്ടി നിര്ദ്ദേശപ്രകാരം അവ നിരസിക്കപ്പെടുകയായിരുന്നു. വിഎസിന്റെ കാര്യത്തിലും സമാനമായ നിലപാട് പാര്ട്ടി സ്വീകരിക്കുമോ അതോ അദ്ദേഹത്തിന്റെ ജനകീയതയും പ്രായവും പരിഗണിച്ച് ഇളവ് നല്കുമോ എന്നാണ് രാഷ്ട്രീയ കേരളം ഉറ്റുനോക്കുന്നത്.
പല തെറ്റുകളും സിപിഎം ഏറ്റു പറഞ്ഞിട്ടുണ്ട്. ജ്യോതി ബസുവിനെ പ്രധാനമന്ത്രിയാക്കാത്തത് ഉള്പ്പെടെ അതില് വരും. സമാനമായി പഴയ തീരുമാനം ഇപ്പോള് സിപിഎം തിരുത്തുമോ എന്നതാണ് ഉയരുന്ന ചോദ്യം. വിഎസിന് പത്മവിഭൂഷന് കിട്ടിയതില് നിര്ണ്ണായക ചര്ച്ചകള് സിപിഎം നടത്തും. വരും ദിവസങ്ങളില് സി.പി.എം കേന്ദ്ര നേതൃത്വം ഇക്കാര്യത്തില് ഔദ്യോഗികമായ നിലപാട് വ്യക്തമാക്കുമെന്നാണ് സൂചന. കേരളത്തിന്റെ രാഷ്ട്രീയ സാമൂഹിക മണ്ഡലങ്ങളില് അദ്ദേഹം നല്കിയ സമാനതകളില്ലാത്ത സംഭാവനകള് പരിഗണിച്ചാണ് പത്മാ ആദരം. വിഎസിന്റെ മകന് വി.എ. അരുണ്കുമാര് ഈ അംഗീകാരത്തില് സന്തോഷം പ്രകടിപ്പിച്ചു.
അച്ഛന്റെ പോരാട്ടങ്ങള്ക്കും ജനകീയ ഇടപെടലുകള്ക്കും ലഭിച്ച അംഗീകാരമാണിതെന്ന് അദ്ദേഹം പ്രതികരിച്ചു. സി.പി.എം നേതാക്കള് പത്മ പുരസ്കാരങ്ങള് സ്വീകരിക്കാറില്ല എന്നതാണ് പതിവ്. മുന്പ് ഇ.എം.എസ്. നമ്പൂതിരിപ്പാട് (1992), ബുദ്ധദേവ് ഭട്ടാചാര്യ (2022) എന്നിവര് തങ്ങള്ക്ക് ലഭിച്ച പുരസ്കാരങ്ങള് നിരസിച്ചിരുന്നു. വ്യക്തിഗതമായ നേട്ടത്തേക്കാള് ജനകീയ പ്രസ്ഥാനത്തിനാണ് മുന്ഗണന നല്കേണ്ടതെന്ന പാര്ട്ടിയുടെ രാഷ്ട്രീയ നിലപാടാണ് ഇതിന് പിന്നില്.
ഏഴ് പതിറ്റാണ്ടിലേറെ നീണ്ടുനിന്ന വിഎസിന്റെ പോരാട്ടവീര്യം കേരള ചരിത്രത്തിന്റെ തന്നെ ഭാഗമാണ്. രാഷ്ട്രീയ തുടക്കം 1938ല് നിവര്ത്തന പ്രക്ഷോഭത്തിലൂടെയും സ്റ്റേറ്റ് കോണ്ഗ്രസിലൂടെയും രാഷ്ട്രീയത്തില് പ്രവേശിച്ചു. പിന്നീട് കമ്മ്യൂണിസ്റ്റ് പാര്ട്ടിയുടെ ഭാഗമായി. പുന്നപ്ര-വയലാര് സമരം 1946ല് ആയിരുന്നു: പുന്നപ്ര-വയലാര് സമരത്തിന്റെ മുന്നിര സംഘാടകനായിരുന്നു. ഈ പോരാട്ടത്തിന്റെ പേരില് ക്രൂരമായ പോലീസ് മര്ദ്ദനവും ജയില്വാസവും അനുഭവിച്ചു. 1964ല്: കമ്മ്യൂണിസ്റ്റ് പാര്ട്ടി പിളര്ന്നപ്പോള് സി.പി.ഐ വിട്ട് സി.പി.എം രൂപീകരിച്ച 32 നേതാക്കളില് ഒരാളായിരുന്നു അദ്ദേഹം. സി.പി.എമ്മിന്റെ സ്ഥാപക നേതാക്കളില് ഒരാള്.
മുഖ്യമന്ത്രി പദം 2006 2011 കാലയളവില് വഹിച്ചു. കേരളത്തിന്റെ മുഖ്യമന്ത്രിയായി സേവനമനുഷ്ഠിച്ചു. മൂന്നാര് കൈയേറ്റം ഒഴിപ്പിക്കല്, ലോട്ടറി മാഫിയക്കെതിരെയുള്ള പോരാട്ടം, ഐടി മേഖലയിലെ സ്വതന്ത്ര സോഫ്റ്റ്വെയര് നയം എന്നിവ അദ്ദേഹത്തിന്റെ കാലത്തെ ശ്രദ്ധേയമായ തീരുമാനങ്ങളായിരുന്നു. പ്രതിപക്ഷ നേതാവായത് മൂന്ന് തവണ (199296, 200106, 201116) ആണ്. കേരള നിയമസഭയില് പ്രതിപക്ഷ നേതാവായി തിളങ്ങി.
അഴിമതിക്കും പെണ്വാണിഭ സംഘങ്ങള്ക്കും ഭൂമാഫിയക്കുമെതിരെ അദ്ദേഹം നടത്തിയ നിയമപോരാട്ടങ്ങള് ജനശ്രദ്ധയാകര്ഷിച്ചു. സൈലന്റ് വാലി സംരക്ഷണം മുതല് പ്ലാച്ചിമടയിലെ കുടിവെള്ള സമരം വരെ പരിസ്ഥിതിക്കും സാധാരണക്കാരന്റെ അവകാശങ്ങള്ക്കും വേണ്ടി അദ്ദേഹം നിലകൊണ്ടു.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
കുറ്റപത്രം വൈകുന്നു; ശബരിമല കേസിൽ എൻ. വാസുവിനും സ്വാഭാവിക ജാമ്യത്തിന് വഴിതെളിയുന്നു
