പത്തനംതിട്ട: കണ്ണൂര്‍ എ.ഡി.എം. നവീന്‍ ബാബുവിന്റെ ദുരൂഹ മരണത്തിന് പിന്നിലെ യഥാര്‍ത്ഥ വില്ലന്മാര്‍ ആരാണ്? നിയമവ്യവസ്ഥയെ വെല്ലുവിളിച്ചുകൊണ്ട് ഭരണസിരാകേന്ദ്രങ്ങളില്‍ ഇരുന്ന് ചരടുവലിക്കുന്ന ആ അദൃശ്യശക്തികളെ കണ്ടെത്താന്‍ ഇനിയെങ്കിലും നിഷ്പക്ഷമായ അന്വേഷണം ഉണ്ടാകുമോ? കേസില്‍ അതീവ നിര്‍ണ്ണായകമാകേണ്ടിയിരുന്ന പങ്കാളിത്തക്കരാര്‍ (പാര്‍ട്ടണര്‍ഷിപ്പ് ഡീഡ്) ഫയലുകളില്‍ നിന്ന് അപ്രത്യക്ഷമായത് വന്‍ സ്രാവുകളെ സംരക്ഷിക്കാനാണെന്ന ആക്ഷേപം ശക്തമാണ്. കേസ് സി.ബി.ഐക്ക് വിട്ടാലും ബാഹ്യസമ്മര്‍ദ്ദങ്ങള്‍ മൂലം തെളിവുകള്‍ അവശേഷിക്കുമോ എന്ന ആശങ്കയിലാണ് പൊതുസമൂഹം. ഒരു ജനകീയനും സത്യസന്ധനുമായ ഉദ്യോഗസ്ഥന്റെ ജീവനെടുത്ത സംഭവത്തില്‍ ഉയര്‍ന്നുവന്ന പുകമറ