കൊച്ചി: കേരള നിയമസഭാ തിരഞ്ഞെടുപ്പിന്റെ എക്സിറ്റ് പോള്‍ ഫലങ്ങള്‍ പുറത്തുവന്നതോടെ യുഡിഎഫ് ക്യാമ്പുകളില്‍ ആവേശം അണപൊട്ടുന്നു. മലബാറിലും മധ്യകേരളത്തിലും യുഡിഎഫ് തൂത്തുവാരുമെന്ന പ്രവചനങ്ങള്‍ വന്നതോടെ ഭരണമാറ്റം ഉറപ്പാണെന്ന വിശ്വാസത്തിലാണ് മുന്നണി നേതൃത്വം. എന്നാല്‍, വിജയപ്രതീക്ഷയ്ക്കൊപ്പം തന്നെ കോണ്‍ഗ്രസിനുള്ളില്‍ മുഖ്യമന്ത്രി സ്ഥാനത്തെച്ചൊല്ലിയുള്ള വടംവലിയും സജീവമായിക്കഴിഞ്ഞു. എക്സിറ്റ് പോളുകള്‍ അനുകൂലമായതോടെ ഗ്രൂപ്പ് സമവാക്യങ്ങള്‍ മാറ്റിവച്ച് കരുനീക്കങ്ങള്‍ ശക്തമാക്കാനാണ് പ്രമുഖ നേതാക്കളുടെ നീക്കം. മുഖ്യമന്ത്രി സ്ഥാനത്തിനായി കെ.സി. വേണുഗോപാല്‍, രമേശ് ചെന്നിത്തല, വി.ഡി. സതീശന്‍ എന്നിവരെ കേന്ദ്രീകരിച്ച് അണിയറയില്‍ ചാക്കിട്ടുപിടുത്തം തുടങ്ങിക്കഴിഞ്ഞു.