തിരുവനന്തപുരം: ദിവസങ്ങളായി തുടര്‍ന്ന അനിശ്ചിതത്വങ്ങള്‍ക്കും നാടകീയ നീക്കങ്ങള്‍ക്കും ഒടുവില്‍ കോണ്‍ഗ്രസ് നേതൃത്വത്തില്‍ സമവായം. നിയുക്ത മുഖ്യമന്ത്രി വി.ഡി. സതീശന്‍ നേരിട്ടെത്തി നടത്തിയ ചര്‍ച്ചകള്‍ക്കൊടുവില്‍ രമേശ് ചെന്നിത്തലയ്ക്ക് ആഭ്യന്തര വകുപ്പ് നല്‍കാന്‍ ധാരണയായി. ഹൈക്കമാന്‍ഡിന്റെ ശക്തമായ ഇടപെടലിനെത്തുടര്‍ന്നാണ് വിട്ടുവീഴ്ചയ്ക്ക് ഇരുപക്ഷവും തയ്യാറായത്. ഇതോടെ പുതിയ മന്ത്രിസഭാ രൂപീകരണവുമായി ബന്ധപ്പെട്ട് പാര്‍ട്ടിയിലുണ്ടായ ആഭ്യന്തര തര്‍ക്കങ്ങള്‍ക്ക് താല്ക്കാലിക ശമനമായിരിക്കുകയാണ്. മുഖ്യമന്ത്രി സ്ഥാനം വി.ഡി. സതീശന് നല്‍കിക്കൊണ്ടുള്ള ഹൈക്കമാന്‍ഡ് പ്രഖ്യാപനം വന്നതോടെയാണ് കോണ്‍ഗ്രസിനുള്ളില്‍ അസ്വാരസ്യങ്ങള്‍ പുകഞ്ഞുതുടങ്ങിയത്. മുതിര്‍ന്ന നേതാവായ രമേശ് ചെന്നിത്തലയെ മറികടന്നുള്ള