തൃശൂർ : മാളയിൽ പരീക്ഷക്ക് മാർക്ക് കുറഞ്ഞതിന്റെ മനോവിഷമത്തിൽ വിദ്യാർഥിനി ജീവനൊടുക്കി. മാള കുഴൂർ ചേനപ്പാറക്കുന്നുമ്മേൽ വിനീഷിന്റെ മകൾ വിസ്മയ(16)യാണ് മരിച്ചത്. കുഴൂർ ഗവൺമെന്റ് സ്കൂളിലെ പത്താം ക്ലാസ്സ് വിദ്യാർഥിനിയായിരുന്നു .
ജെഡിടി കോളേജ് സ്ട്രോങ് റൂം വിവാദം: യുഡിഎഫ് ആരോപണം തള്ളി സ്ഥാനാർത്ഥി ഫാത്തിമ തഹ്ലിയ
ഇന്നലെ പത്താം ക്ലാസ് പരീക്ഷ ഫലം വന്നതിനു പിന്നാലെ വൈകിട്ട് നാലുമണിയോടെയാണ് സംഭവം. വീട്ടിനകത്തെ ജനലിൽ തോർത്ത് കൊണ്ട് കഴുത്തിൽ കെട്ടിയ നിലയിലാണ് വിസ്മയയെ കണ്ടെത്തിയത്. ഉടൻ തന്നെ കുട്ടിയെ മാളയിലെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
വിസ്മയയ്ക്ക് എസ്.എസ്.എൽ.സി പരീക്ഷയിൽ നാല് എ പ്ലസുകളാണ് ലഭിച്ചിരുന്നത്. ഫുൾ എ പ്ലസ് ലഭിക്കാത്തതിനാൽ കുട്ടി കടുത്ത മനോവിഷമത്തിൽ ആയിരുന്നു. പരീക്ഷാഫലവുമായി ബന്ധപ്പെട്ട മാനസിക വിഷമമാണ് കുട്ടിയെ ജീവനൊടുക്കാൻ പ്രേരിപ്പിച്ചത് എന്നാണ് പ്രാഥമിക നിഗമനം. കുട്ടിയുടെ മാതാപിതാക്കൾ വിദേശത്ത് ജോലി ചെയ്യുകയാണ്.
മണലൂരിൽ ക്രമക്കേട് ആരോപണം; ടി.എൻ. പ്രതാപൻ ഇന്ന് ഹൈക്കോടതിയിലേക്ക്; എൽഡിഎഫ് വിജയം സ്റ്റേ ചെയ്യണമെന്ന് ആവശ്യം
(ശ്രദ്ധിക്കുക: ആത്മഹത്യ ഒന്നിനും ഒരു പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക. ഹെൽപ് ലൈൻ നമ്പർ -1056, 0471-2552056)
