കൊച്ചി: സാമ്പത്തിക നേട്ടത്തിനായി അശ്ലീല രംഗങ്ങളിൽ അഭിനയിച്ചുവെന്നാരോപിച്ച് നടി ശ്വേത മേനോനെതിരെ എടുത്ത കേസ് ഹൈക്കോടതി റദ്ദാക്കി. ‘അമ്മ’യുടെ പ്രസിഡന്റ് കൂടിയായ ശ്വേത മേനോനെതിരെയുള്ള പരാതിയിൽ കഴമ്പില്ലെന്ന് കണ്ടെത്തിയ ജസ്റ്റിസ് സി.എസ്. ഡയസ്, സമൂഹത്തിലെ സ്ത്രീവിരുദ്ധ നിലപാടുകൾക്കെതിരെ സുപ്രധാന നിരീക്ഷണങ്ങൾ നടത്തി.  സ്ത്രീശാക്തീകരണം എന്നതിനർത്ഥം സ്ത്രീകളെ വിശുദ്ധരാക്കുക എന്നതല്ല. മറിച്ച് അവരുടെ വ്യക്തിത്വത്തെയും അഭിലാഷങ്ങളെയും നേട്ടങ്ങളെയും അന്തസ്സോടെ അംഗീകരിക്കുക എന്നതാണ്. ഒരു സ്ത്രീയുടെ നേട്ടങ്ങളെക്കാളുപരി അവരുടെ പ്രതിച്ഛായയെ അധിക്ഷേപിക്കാൻ ശ്രമിക്കുന്നത് സമൂഹത്തിന്റെ ബൗദ്ധികമായ ദാരിദ്ര്യത്തെയാണ് വെളിപ്പെടുത്തുന്നത്. യുക്തിപരമായി തോൽപ്പിക്കാൻ