കൊച്ചി വടുതലയില്‍ അശ്വതിയും മക്കളും ഉള്‍പ്പെടെ അഞ്ചുപേര്‍ ജീവനൊടുക്കിയ സംഭവത്തില്‍ ആസൂത്രിതമായ നീക്കങ്ങള്‍ നടന്നതായി പോലീസ് സംശയിക്കുന്നു. കഴിഞ്ഞ ഡിസംബറില്‍ തന്നെ തന്റെ സ്വത്തുക്കള്‍ ഒരു ചാരിറ്റബിള്‍ ട്രസ്റ്റിന് വില്‍പ്പത്രം വഴി എഴുതിവെക്കാന്‍ അശ്വതി തീരുമാനിച്ചിരുന്നു. ഭര്‍ത്താവ് അക്ഷതിന്റെ മരണശേഷമുണ്ടായ കുടുംബതര്‍ക്കങ്ങളും ഒറ്റപ്പെടലുമാണ് ഇത്തരമൊരു കടുത്ത തീരുമാനത്തിലേക്ക് ഇവരെ എത്തിച്ചതെന്നാണ് കരുതുന്നത്. ഭര്‍ത്താവിന്റെ കുടുംബവുമായും സ്വന്തം സഹോദരന്മാരുമായും അശ്വതിയും മാതാവ് ശ്രീകുമാരിയും വര്‍ഷങ്ങളായി അകല്‍ച്ചയിലായിരുന്നു. അക്ഷതിന്റെ അമിതമായ മദ്യപാനമാണ് കുടുംബം തകരാന്‍ കാരണമായതെന്ന് അശ്വതിയുടെ ആത്മഹത്യാക്കുറിപ്പില്‍ പരാമര്‍ശമുണ്ട്.