കൊച്ചി: മലയാള സിനിമയുടെ ചരിത്രത്തിൽ സുവർണ്ണ അക്ഷരങ്ങളാൽ രേഖപ്പെടുത്തേണ്ട ഒരു അപൂർവ്വ മുഹൂർത്തത്തിന് അരങ്ങൊരുങ്ങുന്നു. ഇന്ത്യൻ സിനിമയിലെ വിസ്മയ സംവിധായകൻ പ്രിയദർശന്റെ നൂറാമത് സിനിമയിൽ മോഹൻലാൽ നായകനാകുന്നു എന്ന ഔദ്യോഗിക പ്രഖ്യാപനം മോഹൻലാൽ തന്റെ ഇൻസ്റ്റഗ്രാം പേജിലൂടെ അറിയിച്ചു.
ഉമ്മന്ചാണ്ടിയുടെ കഥയോ? സോഷ്യല് മീഡിയയില് ഡീകോഡിംഗ്; പ്രതിച്ഛായയില് വന് പ്രതീക്ഷ; ബി ഉണ്ണികൃഷ്ണന് ചിത്രം പൊളിറ്റിക്കല് തരംഗമാകുമോ? നിവിന് പോളിക്ക് വീണ്ടും താര സിംഹാസനം ലഭിക്കാന് സാധ്യത
നാല് പതിറ്റാണ്ട് മുൻപ് ‘പൂച്ചയ്ക്കൊരു മൂക്കുത്തി’ എന്ന ചിത്രത്തിലൂടെ ആരംഭിച്ച ഈ ഐതിഹാസിക കൂട്ടുകെട്ട്, പ്രിയദർശന്റെ നൂറാം മൈൽസ്റ്റോണിലും ഒന്നിക്കുമ്പോൾ അത് ലോക സിനിമയിൽ തന്നെ അപൂർവ്വമായ ഒന്നായി മാറുകയാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരും സഹനിർമ്മാതാവ് ജോർജ്ജ് അലക്സാണ്ടറും ചേർന്നാണ് ഈ ബ്രഹ്മാണ്ഡ ചിത്രം നിർമ്മിക്കുന്നത്.
മഞ്ഞുമ്മല് ബോയ്സ് ജയിലിലാകുമോ? നിര്മ്മാതാക്കള്ക്ക് സുപ്രീംകോടതിയുടെ കനത്ത തിരിച്ചടി; ആ സാമ്പത്തിക തട്ടിപ്പ് കേസ് തുടരും
ഒരു സംവിധായകൻ തന്റെ ആദ്യ ചിത്രത്തിലെ നായകനെ തന്നെ നൂറാമത്തെ ചിത്രത്തിലും പ്രധാന വേഷത്തിൽ അവതരിപ്പിക്കുന്നത് ആഗോള സിനിമാ ചരിത്രത്തിൽ തന്നെ പുതിയ ഒരു റെക്കോർഡ് ആയിരിക്കും എന്ന് പ്രഖ്യാപന വീഡിയോയിൽ പ്രിയദർശൻ സൂചിപ്പിച്ചു.
ബോയിംഗ് ബോയിംഗ്, കിലുക്കം, ചിത്രം, കാലാപാനി തുടങ്ങി മലയാളികൾക്ക് മറക്കാനാവാത്ത നിരവധി ദൃശ്യവിരുന്നുകൾ സമ്മാനിച്ച ഈ സുഹൃദ് വലയം വീണ്ടും ഒന്നിക്കുമ്പോൾ ആരാധകർ വലിയ പ്രതീക്ഷയിലാണ്. തന്റെ പ്രിയപ്പെട്ട ‘പ്രിയന്റെ’ ഈ യാത്രയിൽ താനും പങ്കാളിയാകുന്നത് വാക്കുകൾക്ക് അതീതമായ സന്തോഷമാണെന്ന് മോഹൻലാൽ തന്റെ ഫേസ്ബുക്ക് കുറിപ്പിലൂടെ വ്യക്തമാക്കി. നൂറ് സിനിമകൾ എന്നത് കേവലം ഒരു സംഖ്യയല്ലെന്നും അത് സിനിമയോടുള്ള അടങ്ങാത്ത അഭിനിവേശത്തിന്റെയും സമർപ്പണത്തിന്റെയും കഥയാണെന്നും അദ്ദേഹം കുറിച്ചു. ചിത്രത്തിന്റെ പേരോ മറ്റു വിവരങ്ങളോ നിലവിൽ പുറത്തുവിട്ടിട്ടില്ലെങ്കിലും, ഇന്ത്യൻ സിനിമ ഉറ്റുനോക്കുന്ന ഒരു വമ്പൻ പ്രോജക്റ്റ് തന്നെയാകും ഇതെന്ന കാര്യത്തിൽ തർക്കമില്ല.
