കോഴിക്കോട്: വരാനിരിക്കുന്ന നിയമസഭാ തിരഞ്ഞെടുപ്പില്‍ യു.ഡി.എഫ് അധികാരത്തില്‍ വന്നാല്‍ മുഖ്യമന്ത്രി പദത്തിലേക്ക് ആരുടെയും പേര് മുസ്ലീം ലീഗ് നിര്‍ദ്ദേശിച്ചിട്ടില്ലെന്ന് നേതാവ് എം.കെ. മുനീര്‍. പാണക്കാട് സാദിഖ് അലി തങ്ങളുടെ പ്രസ്താവനകളെ ചില കേന്ദ്രങ്ങള്‍ ദുര്‍വ്യാഖ്യാനം ചെയ്യുകയാണെന്നും അദ്ദേഹം പറഞ്ഞു. യു.ഡി.എഫില്‍ അനാവശ്യ ഭിന്നതയുണ്ടാക്കാനും സമൂഹത്തില്‍ ‘ലീഗ് ഫോബിയ’ വളര്‍ത്താനുമുള്ള ആസൂത്രിത ശ്രമമാണ് നടക്കുന്നതെന്ന് മുനീര്‍ കുറ്റപ്പെടുത്തി. മുഖ്യമന്ത്രിയെ തീരുമാനിക്കുന്നത് കോണ്‍ഗ്രസ് ഹൈക്കമാന്‍ഡ് ആണെന്നതാണ് ലീഗിന്റെ എക്കാലത്തെയും നിലപാട്. പക്വതയുള്ള നേതാക്കള്‍ കോണ്‍ഗ്രസിനുണ്ട്. മുഖ്യമന്ത്രിയെ നിശ്ചയിക്കുന്ന ഘട്ടത്തില്‍ ലീഗുമായി