ബാങ്കോക്ക്: പശ്ചിമേഷ്യൻ യുദ്ധം നൂറാം ദിവസത്തിലേക്ക് കടന്ന വേളയിൽ പരസ്പരം ശക്തമായ ആക്രമണങ്ങളുമായി ഇറാനും ഇസ്രായേലും രംഗത്തെത്തിയിരിക്കുകയാണ്. കഴിഞ്ഞ ഏപ്രിൽ മാസത്തിൽ നിലവിൽ വന്ന താൽക്കാലിക വെടിനിർത്തലിന് ശേഷം ഇതാദ്യമായാണ് ഇറാൻ ഇസ്രായേലിന് നേരെ നേരിട്ടുള്ള മിസൈൽ ആക്രമണം നടത്തുന്നത്.
ഇറ്റലിയിൽ ശക്തമായ ഭൂചലനം; റിക്ടർ സ്കെയിലിൽ 6.1 തീവ്രത, തീരദേശങ്ങളിൽ ജാഗ്രതാ നിർദ്ദേശം
ലബനൻ തലസ്ഥാനമായ ബെയ്റൂട്ടിലെ ഹിസ്ബുള്ള കമാൻഡ് സെന്ററിന് നേരെ ഇസ്രായേൽ പ്രതിരോധ സേന (ഐഡിഎഫ്) നടത്തിയ വ്യോമാക്രമണത്തിന് പിന്നാലെയാണ് ഇസ്രായേലിന്റെ വിവിധ ഭാഗങ്ങളിൽ അപായ സൈറണുകൾ മുഴക്കിക്കൊണ്ട് ഇറാന്റെ മിസൈലുകൾ പതിച്ചത്. തങ്ങളുടെ ഭാഗത്തുനിന്നുണ്ടായ ഈ ആക്രമണം ഒരു മുന്നറിയിപ്പ് മാത്രമാണെന്നും ഇസ്രായേലിന്റെ ഭാഗത്തുനിന്ന് ഇനിയും പ്രകോപനമുണ്ടായാൽ ശക്തമായ തിരിച്ചടി നേരിടേണ്ടിവരുമെന്നും ഇറാൻ വ്യക്തമാക്കിയിട്ടുണ്ട്.
എന്നാൽ ഇറാൻ വിക്ഷേപിച്ച മിസൈലുകളെല്ലാം തങ്ങളുടെ പ്രതിരോധ സംവിധാനം വിജയകരമായി തകർത്തുവെന്നാണ് ഇസ്രായേൽ അറിയിച്ചിരിക്കുന്നത്. ഇതിന് പകരമായി ഇറാന്റെ ഉള്ളിലെ സൈനിക ലക്ഷ്യങ്ങൾക്ക് നേരെ ഇസ്രായേൽ വ്യോമാക്രമണം നടത്തുകയും ചെയ്തു. ഇരുരാജ്യങ്ങളും തമ്മിലുള്ള സംഘർഷം അനിയന്ത്രിതമായി ഉയർന്നതോടെ മേഖലയിൽ കടുത്ത ആശങ്കയാണ് നിലനിൽക്കുന്നത്.
ആരാണ് കൗറൂഷ് കീവാനി? മൊസാദിനായി ചാരപ്പണി ചെയ്തതിന് ഇറാനില് വധശിക്ഷ; പശ്ചിമേഷ്യയില് യുദ്ധം രൂക്ഷം; ഇറാനെ തകര്ക്കുമെന്ന് ട്രംപ്; ഹോര്മൂസില് പ്രതിസന്ധി തുടരും
ഈ സാഹചര്യത്തിൽ ഇരുവിഭാഗത്തോടും പരമാവധി സംയമനം പാലിക്കാൻ അമേരിക്കൻ പ്രസിഡന്റ് ഡൊണാൾഡ് ട്രംപ് ആവശ്യപ്പെട്ടു. ഇറാനെതിരെ വീണ്ടുമൊരു തിരിച്ചടിക്ക് മുതിരരുതെന്ന് ഇസ്രായേലിനോട് വ്യക്തമാക്കിയ ട്രംപ്, യുദ്ധം കൂടുതൽ മേഖലകളിലേക്ക് വ്യാപിക്കുന്നത് ടെഹ്റാനുമായി നിലവിൽ പുരോഗമിക്കുന്ന സമാധാന ചർച്ചകളെ പൂർണ്ണമായി തകിടം മറിക്കുമെന്ന മുന്നറിയിപ്പും നൽകിയിട്ടുണ്ട്.
