തിരുവനന്തപുരം: സംസ്ഥാന സർക്കാരിനെതിരെ പരസ്യമായി രംഗത്തുവന്ന ഐഎഎസ് ഉദ്യോഗസ്ഥൻ എൻ. പ്രശാന്തിനെ സർക്കാർ വീണ്ടും സർവീസിൽ നിന്നും സസ്പെൻഡ് ചെയ്തു. ഔദ്യോഗിക കൃത്യനിർവ്വഹണത്തിലെ ചട്ടങ്ങൾ ലംഘിച്ചുവെന്ന് ചൂണ്ടിക്കാട്ടി ഇന്നലെ രാത്രിയോടെയാണ് സസ്പെൻഷൻ ഉത്തരവ് പുറപ്പെടുവിച്ചത്. സസ്പെൻഷൻ നടപടിക്ക് പിന്നാലെ സർക്കാർ അദ്ദേഹത്തിന് ഔദ്യോഗികമായി കുറ്റപത്രവും കൈമാറിയിട്ടുണ്ട്.
എംജി വാഴ്സിറ്റിയിൽ വഴിവിട്ട നീക്കം? വിസി വിരമിക്കും മുൻപ് സെനറ്റ് യോഗം; പ്രതിഷേധിച്ച് സേവ് യൂണിവേഴ്സിറ്റി ക്യാമ്പയിൻ
കഴിഞ്ഞ ഒന്നര വർഷമായി വിവിധ അച്ചടക്ക ലംഘനങ്ങളുടെ പേരിൽ സസ്പെൻഷനിലായിരുന്ന പ്രശാന്ത്, മാധ്യമങ്ങളിലൂടെ സർക്കാരിനെതിരെ രൂക്ഷമായ വിമർശനങ്ങൾ ഉന്നയിച്ചതാണ് നിലവിലെ പുതിയ നടപടിയിലേക്ക് നയിച്ചത്. നേരത്തെ മുതിർന്ന ഉദ്യോഗസ്ഥനായ ഡോ. എ. ജയതിലകിനെതിരെ സോഷ്യൽ മീഡിയ വഴി ഗുരുതരമായ ആരോപണങ്ങൾ ഉന്നയിച്ചതിനെത്തുടർന്ന് 2024 നവംബർ 11-നും ഇദ്ദേഹത്തെ സർവീസിൽ നിന്നും മാറ്റിനിർത്തിയിരുന്നു.
ഇതിനിടെ ഇത് എട്ടാം തവണയാണ് പ്രശാന്തിനെതിരെ സർക്കാർ സമാനമായ അച്ചടക്ക നടപടി സ്വീകരിക്കുന്നത്. ഐഎഎസ് ഉദ്യോഗസ്ഥന്റെ ഭാഗത്തുനിന്നുണ്ടാകുന്ന തുടർച്ചയായ ചട്ടലംഘനങ്ങൾ നിലവിൽ ഭരണതലത്തിൽ വലിയ ചർച്ചകൾക്കും വിവാദങ്ങൾക്കും വഴിയൊരുക്കിയിരിക്കുകയാണ്.
ശബരിമല സ്വര്ണ്ണക്കൊള്ള: തന്ത്രിയുടെ വീട് അരിച്ചുപെറുക്കി എസ്.ഐ.ടി, വന് പോലീസ് സന്നാഹത്തില് മിന്നല് റെയ്ഡ് ; ബന്ധുക്കളെ തടഞ്ഞു; ‘യഥാര്ത്ഥ വില്ലന്’ ഉടന് കുടുങ്ങും?
