തിരുവനന്തപുരം: നിർണായകമായ തിരഞ്ഞെടുപ്പിന് ഇനി ദിവസങ്ങൾ മാത്രം ബാക്കിനിൽക്കെ മുഖ്യമന്ത്രിയുടെ ഓഫീസിലെ ഏറ്റവും പ്രധാനപ്പെട്ട മൂന്ന് ഉന്നത ഉദ്യോഗസ്ഥർ കൂട്ടത്തോടെ രാജിവെച്ചത് സംസ്ഥാന രാഷ്ട്രീയത്തിൽ വലിയ ചർച്ചകൾക്ക് വഴിവെക്കുന്നു. മുഖ്യമന്ത്രിയുടെ പ്രൈവറ്റ് സെക്രട്ടറി എ. പ്രദീപ് കുമാർ, പൊളിറ്റിക്കൽ സെക്രട്ടറി പി. ശശി, പേഴ്സണൽ അസിസ്റ്റന്റ് വി. എം. സുനീഷ് എന്നിവരാണ് അപ്രതീക്ഷിതമായി തങ്ങളുടെ സ്ഥാനങ്ങളിൽ നിന്നും പടിയിറങ്ങിയത്.
പിണറായിയുടെ ‘മാറി നില്ക്ക്’ വിളിയില് സി.പി.എം പ്രതിസന്ധിയിലോ?നാടാര് കോട്ടകളില് വന് വിള്ളല് ഉണ്ടാകുമെന്ന് പ്രതീക്ഷ; പാറശ്ശാലയും നെയ്യാറ്റിന്കരയും ഇടതുപക്ഷത്തിന് ബാലികേറാമലയാകുമോ?
മുഖ്യമന്ത്രിയുടെ ഓഫീസിന്റെ പ്രവർത്തനങ്ങളിൽ നിർണായക സ്വാധീനമുള്ള ഈ മൂന്ന് വ്യക്തികളും ഒരേസമയം രാജിവെച്ചത് ഭരണകേന്ദ്രങ്ങളെ ഞെട്ടിച്ചിട്ടുണ്ട്. സിപിഎം സംസ്ഥാന സമിതി അംഗങ്ങൾ കൂടിയായ എ. പ്രദീപ് കുമാറും പി. ശശിയും രാഷ്ട്രീയ നിയമനത്തിലൂടെയാണ് ഈ സ്ഥാനങ്ങളിൽ എത്തിയിരുന്നത്. മാർച്ച് 17-ന് തന്നെ ഇവർ രാജിക്കത്ത് സമർപ്പിച്ചിരുന്നതായാണ് വിവരം.
എന്നാൽ, ഈ അപ്രതീക്ഷിത പടിയിറക്കത്തിന് പിന്നിലെ കൃത്യമായ കാരണങ്ങൾ ഇതുവരെ വ്യക്തമാക്കാൻ മൂവരും തയ്യാറായിട്ടില്ല. വോട്ടെടുപ്പ് ആസന്നമായിരിക്കെ, പാർട്ടിക്കുള്ളിലെ ആഭ്യന്തര തീരുമാനമാണോ അതോ മറ്റ് രാഷ്ട്രീയ സാഹചര്യങ്ങളാണോ ഈ നീക്കത്തിന് പിന്നിലെന്ന കാര്യത്തിൽ വലിയ രീതിയിലുള്ള അഭ്യൂഹങ്ങൾ പടരുന്നുണ്ട്. മുഖ്യമന്ത്രിയുടെ വിശ്വസ്തരായ ഉദ്യോഗസ്ഥർ ഒഴിഞ്ഞുപോയത് വരും ദിവസങ്ങളിൽ വലിയ രാഷ്ട്രീയ വിവാദങ്ങൾക്ക് കാരണമായേക്കാം.
‘കഞ്ചാവ് ഇലകളില് നിന്നും ശാസ്ത്രീയമായി ഹാഷിഷ് ഓയില് തയ്യാറാക്കി; കടത്താനുള്ള എളുപ്പവും പരിശോധനകളില് നിന്ന് വേഗത്തില് രക്ഷപ്പെടാം എന്നതും ഈ ഓയിലുകള് അലന് പൊന്നുവിന് പ്രിയപ്പെട്ടതായി; നക്സല് കോട്ടയിലെ ‘ഹാഷിഷ് ലബോറട്ടറി’ തകര്ന്നു; കേരളത്തിലെ ലഹരി രാജാവ് അലന് പൊന്നു പണമൊഴുക്കിയത് നന്തന്കോട്ടേക്ക്
