തിരുവനന്തപുരം: ഒഡിഷ- ആന്ധ്രപ്രദേശ് സംസ്ഥാനങ്ങളുടെ അതിർത്തിയായ ജലപുട്ട് റിസർവോയറിന് സമീപം കഞ്ചാവ് കൃഷി നടത്തി അതിൽ നിന്നും ഹാഷ് ഓയിൽ നിർമിച്ചു വിൽപ്പന നടത്തിവന്നിരുന്ന നാലു മലയാളികൾ അറസ്റ്റിലായി. കൂട്ടത്തിൽ രണ്ട് ഒഡീഷാ സ്വദേശികളുമു ണ്ട്. അറസ്റ്റിലായ മലയാളികൾ നാലുപേരും തിരുവനന്തപുരം സ്വദേശികളാണ്.
റിസർവോയറിലെ ജലം ഉപയോഗിച്ച് ഏക്കർ കണക്കിൽ കഞ്ചാവ് കൃഷി ചെയ്ത് ഹാഷ് ഓയിൽ നിർമ്മിച്ചു വിൽപ്പന നടത്തുകയാ യിരുന്നു ഇവരുടെ പ്രവർത്തനരീതി. കോടിക്കണക്കിന് രൂപയുടെ ഇടപാടാണ് ഒരു വർഷം ഇവർ നടത്തിയിരുന്നത്. തിരുവനന്തപുരം പൂജപ്പുര സ്വദേശി അലൻ ജയരാജ് (33 ),തിരുവല്ലം മുട്ടളക്കുഴി സ്വദേശി ആനന്ദ് രാജ് (28), വെങ്ങാനൂർ വെണ്ണിയൂർ വവ്വാമൂല സ്വദേശി ഡി കിരൺ (33), പള്ളിച്ചൽ കല്ലിയൂർ പെരിങ്ങമ്മല സ്വദേശി ബി ബിത്തു (34) എന്നിവരാണ് അറസ്റ്റിലായ മലയാളികൾ. ലൈച്ചൻ ഖില്ല (25 ),സാധു പംഗി (45) എന്നിവരാണ് അറസ്റ്റിലായ ഒഡീഷ സ്വദേശികൾ.
അന്തർ സംസ്ഥാന മയക്കുമരുന്ന് റാക്കറ്റിന്റെ ഭാഗമാണ് ഇവർ. കേരളം ഉൾപ്പെടെ വിവിധ സംസ്ഥാനങ്ങളിലേക്ക് കഞ്ചാവും ഹാഷ് ഓയിലും എത്തിച്ചിരുന്നത് ഇവരാണ്. അടുത്തിടെ തിരുവനന്തപുരം നേമത്ത് 350 കിലോ കഞ്ചാവ് പിടികൂടിയ കേസിൽ ഉൾപ്പെട്ടിട്ടുള്ള ആളാണ് അലൻ ജയരാജ്. ഒഡീഷയിലെകോരപുട്ട് പോലീസാണ് ഈ ആറംഗ സംഘത്തെ അറസ്റ്റ് ചെയ്തിട്ടുള്ളത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
പാങ്ങോട് സൈനിക ക്യാമ്പില് വന് ആനക്കൊമ്പ് വേട്ട; അന്വേഷണം കമ്മീഷണര് കാര്ത്തിക്കിന്; കേന്ദ്ര പ്രതിരോധ മന്ത്രാലയം നേരിട്ട് ഇടപെടുന്നു; ആനക്കൊമ്പ് ക്യാമ്പിനുള്ളില് തന്നെയുണ്ടെന്ന് സൂചന; സൈനിക ഉദ്യോഗസ്ഥന് വലയിലായേക്കും
