ന്യൂഡൽഹി: വി.ഡി. സതീശനെ നിയമസഭാ കക്ഷി നേതാവായി തിരഞ്ഞെടുത്ത ഹൈക്കമാൻഡ് തീരുമാനത്തെ താൻ പൂർണ്ണമനസ്സോടെ സ്വാഗതം ചെയ്യുന്നതായി എഐസിസി സംഘടനാ ജനറൽ സെക്രട്ടറി കെ.സി. വേണുഗോപാൽ മാധ്യമങ്ങളോട് വ്യക്തമാക്കി. പുതിയ ഉത്തരവാദിത്തം ഏറ്റെടുത്ത സതീശനെ ഹൃദയം നിറഞ്ഞ അഭിനന്ദനങ്ങൾ അറിയിച്ച അദ്ദേഹം, വരുംദിവസങ്ങളിൽ പാർട്ടിക്ക് തന്റെ എല്ലാവിധ പിന്തുണയും വാഗ്ദാനം ചെയ്തു. വിവിധ ഘടകങ്ങൾ വളരെ സൂക്ഷ്മമായി പരിശോധിച്ച ശേഷമാണ് ഹൈക്കമാൻഡ് ഇത്തരത്തിലുള്ള നിർണ്ണായക തീരുമാനങ്ങൾ കൈക്കൊള്ളുന്നതെന്ന് അദ്ദേഹം പറഞ്ഞു.
വിഴിഞ്ഞം പോലെ കൊല്ലവും; തെക്കന് കേരളത്തിലെ തുറമുഖങ്ങള്ക്ക് സുവര്ണ്ണകാലം; ഹോര്മുസിലെ യുദ്ധം വിഴിഞ്ഞത്ത് ചരക്കിറക്കല് കൂട്ടി; കൊല്ലത്ത് ഇന്ധനം നിറയ്ക്കാന് കപ്പലുകളുടെ തിരക്ക്
താഴെത്തട്ടിൽ നിന്ന് പ്രവർത്തിച്ചു വന്ന ഒരു ഉറച്ച കോൺഗ്രസുകാരനാണ് താനെന്നും തനിക്ക് എന്നും പാർട്ടിയാണ് വലുതെന്നും അദ്ദേഹം കൂട്ടിച്ചേർത്തു. സംഘടനയ്ക്ക് മുകളിൽ വളരാൻ താൻ ഒരിക്കലും ആഗ്രഹിച്ചിട്ടില്ലെന്നും അത്തരം ശ്രമങ്ങൾ തന്റെ ഭാഗത്തുനിന്ന് ഉണ്ടാകില്ലെന്നും അദ്ദേഹം വ്യക്തമാക്കി. തന്റെ ജീവിതം പാർട്ടിക്കായി ഉഴിഞ്ഞുവെച്ചതാണെന്നും മരിക്കുമ്പോൾ ത്രിവർണ്ണ പതാക പുതച്ചു കിടക്കണമെന്നതാണ് തന്റെ ഏറ്റവും വലിയ ആഗ്രഹമെന്നും വികാരാധീനനായി കെ.സി. വേണുഗോപാൽ പറഞ്ഞു. പാർട്ടിയുടെ അച്ചടക്കമുള്ള പ്രവർത്തകനായി എന്നും തുടരുമെന്ന് അദ്ദേഹം ആവർത്തിച്ചു.
ബെവ്കോ ഹൈടെക് ആകുന്നു! പ്രീമിയം കൗണ്ടറുകളിൽ കറൻസി ഇടപാടുകൾ നിര്ത്തുന്നു ; മാർച്ച് 15 മുതൽ നോട്ടിടപാടുകൾ പൂർണ്ണമായും നിരോധിക്കും.
