തിരുവനന്തപുരം: കേരളത്തില് നിയമസഭാ തിരഞ്ഞെടുപ്പിന് മുന്നോടിയായുള്ള വോട്ടര്പട്ടിക പുതുക്കല് പ്രക്രിയയുടെ നിര്ണ്ണായക ഘട്ടം പൂര്ത്തിയായി. സംസ്ഥാനത്തെ വോട്ടര്പട്ടികയില് നിന്ന് 24,81,353 പേരെ ഒഴിവാക്കി പുതുക്കിയ കരട് പട്ടിക മുഖ്യ തിരഞ്ഞെടുപ്പ് ഓഫിസര് രത്തന് യു. കേല്ക്കര് പ്രസിദ്ധീകരിച്ചു. സമഗ്രമായ സ്പെഷ്യല് ഇന്റന്സീവ് റിവിഷന് (SIR) നടപടിക്രമങ്ങള് പൂര്ത്തിയായതോടെയാണ് ഇത്രയും വലിയൊരു ശുദ്ധീകരണം നടന്നത്. നിലവില് സംസ്ഥാനത്ത് ആകെ 2,54,42,352 വോട്ടര്മാരാണുള്ളത്. ഇതില് 1,31,04,244 സ്ത്രീകളും 1,23,37,841 പുരുഷന്മാരും 267 ട്രാന്സ്ജെന്ഡര് വോട്ടര്മാരും ഉള്പ്പെടുന്നു.
പത്ത് ലക്ഷം രൂപയും 10 മൊബൈല് ഫോണും! ജവഹര്നഗറിലെ 10 കോടിയുടെ ഭൂമി തട്ടാന് കൂട്ടുനിന്ന വനിതാ സബ് രജിസ്ട്രാര് അറസ്റ്റില്; അന്വേഷണം കൂടുതല് ഉദ്യോഗസ്ഥരിലേക്ക്!
മരിച്ചവര്, സ്ഥലം മാറിപ്പോയവര്, വിലാസത്തില് കണ്ടെത്താനാകാത്തവര് എന്നിവരെയാണ് പട്ടികയില് നിന്ന് പ്രധാനമായും നീക്കം ചെയ്തത്. കണക്കുകള് പ്രകാരം മരിച്ച 6,49,885 പേരെയും സ്ഥിരമായി താമസം മാറിയ 8,21,622 പേരെയുമാണ് ഒഴിവാക്കിയത്. കൂടാതെ വിലാസത്തില് കണ്ടെത്താനാകാത്ത 6,45,548 പേരും ഇരട്ടിപ്പുള്ള 1,34,000 പേരും പട്ടികയ്ക്ക് പുറത്തായി. കോട്ടയം ജില്ലയില് മാത്രം 1.61 ലക്ഷം പേര് പട്ടികയില് നിന്ന് ഒഴിവാക്കപ്പെട്ടിട്ടുണ്ട്. രാഷ്ട്രീയ പാര്ട്ടികള്ക്ക് ഇതിനോടകം തന്നെ പട്ടികയുടെ അച്ചടിച്ച പതിപ്പ് കൈമാറിക്കഴിഞ്ഞു.
പട്ടികയില് നിന്ന് ഒഴിവാക്കപ്പെട്ട അര്ഹരായ വോട്ടര്മാര്ക്ക് പേര് വീണ്ടും ചേര്ക്കാന് വിപുലമായ സൗകര്യങ്ങള് ഒരുക്കിയിട്ടുണ്ട്. ഇതിനായി ഫോം 6 പൂരിപ്പിച്ച് കൃത്യമായ സത്യവാങ്മൂലം സഹിതം സമര്പ്പിക്കണം. പ്രവാസി വോട്ടര്മാര്ക്ക് പേര് ചേര്ക്കാന് ഫോം 6 എ ആണ് ഉപയോഗിക്കേണ്ടത്. തിരഞ്ഞെടുപ്പ് കമ്മീഷന്റെ ഔദ്യോഗിക വെബ്സൈറ്റായ voters.eci.gov.in വഴിയോ ‘Voter Helpline’ മൊബൈല് ആപ്പ് വഴിയോ ഓണ്ലൈനായി അപേക്ഷിക്കാം. ഇന്റര്നെറ്റ് സൗകര്യമില്ലാത്തവര്ക്ക് അതാത് ബൂത്തുകളിലെ ബി.എല്.ഒ (BLO) മാരെ സമീപിച്ചും അപേക്ഷകള് നല്കാവുന്നതാണ്.
‘പോടാ പുല്ലേ’ പ്രയോഗം അതിരുവിട്ടു; മേയര് പദവിയില് വാഗ്ദാന ലംഘനം; ബിജെപി നേതൃത്വത്തിനെതിരെ ആഞ്ഞടിച്ച് ആര്. ശ്രീലേഖ; തുറന്നുപറച്ചിലില് കടുപ്പിച്ച് ആര് എസ് എസ്; നിയമസഭയില് സീറ്റുണ്ടാകില്ല
ഡിസംബര് 23 മുതല് ജനുവരി 22 വരെയാണ് പരാതികളും ആക്ഷേപങ്ങളും സമര്പ്പിക്കാനുള്ള സമയം. ഈ കാലയളവില് ലഭിക്കുന്ന അപേക്ഷകളില് ഹിയറിങ് നടത്തി ജനുവരി 22-ഓടെ അന്തിമ തീരുമാനം എടുക്കും. ഹിയറിങ്ങിലെ തീരുമാനങ്ങളില് ആക്ഷേപമുള്ളവര്ക്ക് 15 ദിവസത്തിനകം ജില്ലാ കളക്ടര്ക്കും തുടര്ന്ന് 30 ദിവസത്തിനകം ചീഫ് ഇലക്ടറല് ഓഫിസര്ക്കും അപ്പീല് നല്കാം. സമഗ്രമായ ഈ ശുദ്ധീകരണത്തിലൂടെ ഇരട്ടിപ്പും വ്യാജ വോട്ടര്മാരുമില്ലാത്ത കുറ്റമറ്റ പട്ടിക തയ്യാറാക്കുകയാണ് ലക്ഷ്യം. എല്ലാവരും വോട്ടര്പട്ടിക പരിശോധിച്ച് തങ്ങളുടെ പേര് ഉറപ്പുവരുത്തണമെന്ന് മുഖ്യ തിരഞ്ഞെടുപ്പ് ഓഫിസര് അഭ്യര്ത്ഥിച്ചു.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
