ടെൽ അവീവ്: ഇറാനുമായുള്ള നേരിട്ടുള്ള ഏറ്റുമുട്ടലുകൾക്ക് താൽക്കാലിക ശമനമുണ്ടായതായി ഇസ്രായേൽ പ്രധാനമന്ത്രി ബെന്യാമിൻ നെതന്യാഹു സ്ഥിരീകരിച്ചു. തിങ്കളാഴ്ച (ജൂൺ 8, 2026) നടത്തിയ പ്രസ്താവനയിലാണ് അദ്ദേഹം ഇക്കാര്യം വ്യക്തമാക്കിയത്. ടെഹ്റാനിലെ ഭീകര ഭരണകൂടത്തിന് ഇസ്രായേൽ ശക്തമായ തിരിച്ചടി നൽകിയതോടെയാണ് നിലവിൽ പോരാട്ടം നിലച്ചതെന്നും അദ്ദേഹം അവകാശപ്പെട്ടു.
ട്രംപിന്റെ റിസോർട്ടിൽ പുലർച്ചെ അതിക്രമിച്ചു കയറിയ തോക്കുധാരിയെ വധിച്ചു; വൻ ദുരന്തം ഒഴിവായത് തലനാരിഴയ്ക്ക്?
എന്നാൽ വരും ദിവസങ്ങളിൽ ഇസ്രായേലിന് നേരെ എന്തെങ്കിലും തരത്തിലുള്ള ആക്രമണമുണ്ടായാൽ അതിശക്തമായ ഭാഷയിൽ തിരിച്ചടിക്കുമെന്നും ഇറാൻ വീണ്ടും ആക്രമണത്തിന് മുതിർന്നാൽ ഇസ്രായേലിന്റെ ഭാഗത്തുനിന്ന് കടുത്ത നടപടികൾ ഉണ്ടാകുമെന്നും അദ്ദേഹം മുന്നറിയിപ്പ് നൽകി. ഇറാന്റെ സഖ്യകക്ഷിയായ ലെബനനിലെ ഹിസ്ബുള്ള സായുധ ഗ്രൂപ്പിനെതിരെയുള്ള സൈനിക നീക്കങ്ങൾ ഇസ്രായേൽ തുടരുമെന്നും, രാജ്യത്തിന്റെ സ്വയംപ്രതിരോധത്തിനുള്ള പൂർണ്ണമായ അവകാശം ആവശ്യമായ രീതിയിൽ വിനിയോഗിക്കുമെന്നും നെതന്യാഹു വ്യക്തമാക്കി.
ഇരുരാജ്യങ്ങളും തമ്മിൽ രണ്ട് മാസം മുൻപ് നിലവിൽ വന്ന വെടിനിർത്തൽ കരാറിന് ശേഷമുള്ള ഏറ്റവും ഗുരുതരമായ സൈനിക അസ്ഥിരതയ്ക്കാണ് പശ്ചിമേഷ്യ ഇപ്പോൾ സാക്ഷ്യം വഹിക്കുന്നത്. തിങ്കളാഴ്ച ഇസ്രായേലും ഇറാനും പരസ്പരം മിസൈൽ ആക്രമണങ്ങൾ നടത്തിയിരുന്നു. ഇതിന് പിന്നാലെ യെമനിലെ ഹൂതി വിമതരും ഇസ്രായേലിന് നേരെ മിസൈൽ തൊടുക്കുകയും ചെങ്കടലിലൂടെയുള്ള കപ്പൽ ഗതാഗതം തടസ്സപ്പെടുത്തുമെന്ന് ഭീഷണിപ്പെടുത്തുകയും ചെയ്തു. ഇത് പശ്ചിമേഷ്യയെ വീണ്ടുമൊരു സമ്പൂർണ്ണ യുദ്ധത്തിലേക്ക് തള്ളിവിടുമെന്ന ആശങ്ക വർദ്ധിപ്പിച്ചിരിക്കുകയാണ്. മൂന്ന് ഘട്ടങ്ങളായാണ് ഇറാൻ ഇസ്രായേലിന് നേരെ മിസൈൽ വർഷം നടത്തിയതെന്ന് ഔദ്യോഗിക വൃത്തങ്ങൾ അറിയിച്ചു. ഇറാന്റെ മിസൈലുകളെ ഇസ്രായേലിന്റെ വ്യോമപ്രതിരോധ സംവിധാനം ആകാശത്തുവെച്ച് തകർക്കാൻ ശ്രമിച്ചതോടെ മധ്യ ഇസ്രായേലിൽ ഉടനീളം ശക്തമായ സ്ഫോടന ശബ്ദങ്ങൾ മുഴങ്ങി കേട്ടു.
പശ്ചിമേഷ്യ യുദ്ധമുനമ്പില്; ഇറാന്റെ സാമ്പത്തിക നട്ടെല്ലായ ഖാര്ഗ് ഐലന്ഡ് പിടിച്ചെടുക്കാന് അമേരിക്ക; ട്രംപിന്റെ അന്ത്യശാസനം ഏപ്രില് ആറിന് അവസാനിക്കും; കരയുദ്ധത്തിന് സാധ്യത ഏറെ; എണ്ണ പ്രതിസന്ധി അതിരൂക്ഷമാകും
