തിരുവനന്തപുരം: ജനങ്ങളുടെ വിശ്വാസം നേടിയെടുക്കുകയും അതു നിലനിർത്തുകയും ചെയ്യുക എന്നതാണ് ഇന്ന് പോലീസ് നേരിടുന്ന ഏറ്റവും വലിയ വെല്ലുവിളിയെന്നു സംസ്ഥാന പോലീസ് മേധാവി റവാഡ ആസാദ് ചന്ദ്രശേഖർ. തിരുവനന്തപുരത്തു സായുധ പോലീസ് ബറ്റാലിയൻ ആസ്ഥാനത്തു ആരംഭിക്കുന്ന കേന്ദ്രീകൃത പരിശീലനകേന്ദ്രം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കെ.സി.എയ്ക്ക് ആശ്വാസം; വിജിലൻസ് പരിധിയിൽ വരുമെന്ന ഹൈക്കോടതി വിധി സുപ്രീം കോടതി സ്റ്റേ ചെയ്തു
പുതിയ കാലത്തെ പോലീസിങ് ഒട്ടേറെ വെല്ലുവിളികൾ നിറഞ്ഞതാണ്. ഈ തിരിച്ചറിവ് ഓരോ പോലീസ് സേനാംഗത്തിനും ഉണ്ടാകണം. സൈബർ കുറ്റ കൃത്യങ്ങൾ, ലഹരിമരുന്ന് കച്ചവടം തുടങ്ങിയ വ്യത്യസ്ത മേഖലകളിൽ കാര്യക്ഷമതയോടെ പ്രവർത്തിക്കാൻ വിദഗ്ധ പരിശീലനം കൂടിയേ കഴിയൂ. ഈ ലക്ഷ്യത്തോടെയാണ് കേന്ദ്രീകൃത പരിശീലനകേന്ദ്രം ആരംഭിക്കുന്നതെന്ന് സംസ്ഥാന പോലീസ് മേധാവി പറഞ്ഞു.
കേന്ദ്രീകൃത പരിശീലനകേന്ദ്രങ്ങളെ മികവിന്റെ കേന്ദ്രങ്ങളാക്കി മാറ്റുമെന്ന് അദ്ദേഹം അറിയിച്ചു. സായുധ പോലീസ് സേനാ ഐ ജി സതീഷ് ബിനോ, ഡി ഐ ജി എസ് ഹരിശങ്കർ, സ്പെഷ്യൽ ആംഡ് പോലീസ് ബറ്റാലിയൻ കമന്റാന്റ് യോഗേഷ് മൻഹദിയ, മറ്റു മുതിർന്ന പോലീസ് ഉദ്യോഗസ്ഥർ എന്നിവർ ചടങ്ങിൽ സംബന്ധിച്ചു.
ഗണേഷിന് ‘കഷ്ടകാലം’ മാറുന്നില്ല; സോളാര് ഗൂഢാലോചന കേസില് വിചാരണ വേഗത്തിലാകും; മന്ത്രിക്കു വന് തിരിച്ചടി; വാളകത്തെ ‘അവിഹിത’ത്തിനൊപ്പം മറ്റൊരു ഏടാകൂടം
