അമേരിക്കയുടെ ചരിത്രത്തിലാദ്യമായി നിലവിലുള്ള ഒരു പ്രസിഡന്റിന്റെ ഒപ്പ് കറൻസി നോട്ടുകളിൽ പതിപ്പിക്കാനൊരുങ്ങി ട്രഷറി വകുപ്പ്. അമേരിക്കൻ സ്വാതന്ത്ര്യത്തിന്റെ 250-ാം വാർഷികാഘോഷങ്ങളുടെ ഭാഗമായാണ് പ്രസിഡന്റ് ഡൊണാൾഡ് ട്രംപിന്റെ ഒപ്പ് ഡോളർ നോട്ടുകളിൽ ഉൾപ്പെടുത്താൻ തീരുമാനിച്ചത്.
ലെബനനില് ആവേശക്കടല്; ഇസ്രായേലുമായി വെടിനിര്ത്തല്! ‘ചരിത്രപരമായ ദിനം’ എന്ന് ട്രംപ്; ഇറാനുമായും സമാധാനത്തിന് വഴിതുറക്കുന്നു; ആയുധങ്ങള് എല്ലാവരും ഉപേക്ഷിക്കുമോ? അണവായുധം ഇറാന് വേണ്ടെന്ന് വച്ചേക്കും
1861-ൽ ഡോളർ ബില്ലുകൾ അവതരിപ്പിച്ചതിന് ശേഷം ഇതാദ്യമായാണ് അധികാരത്തിലിരിക്കുന്ന ഒരു പ്രസിഡന്റിന്റെ ഒപ്പ് കറൻസിയിൽ സ്ഥാനം പിടിക്കുന്നത്. യുഎസ് ട്രഷറർ ബ്രാൻഡൻ ബീച്ചാണ് ഈ ചരിത്രപരമായ മാറ്റം തന്റെ എക്സ് (X) ഹാൻഡിലിലൂടെ പങ്കുവെച്ചത്. രാജ്യത്തിന്റെ 250-ാം വാർഷികാഘോഷങ്ങൾക്ക് മാറ്റുകൂട്ടുന്നതിനായി പ്രസിഡന്റ് ഡൊണാൾഡ് ജെ. ട്രംപിനൊപ്പം ട്രഷറി സെക്രട്ടറി സ്കോട്ട് ബെസെന്റിന്റെ ഒപ്പും പുതിയ കറൻസിയിൽ ഉണ്ടാകുമെന്ന് അദ്ദേഹം അറിയിച്ചു.
നോട്ടുകൾക്ക് പുറമെ, സ്വാതന്ത്ര്യത്തിന്റെ ജൂബിലി ആഘോഷങ്ങൾക്കായി ട്രംപിന്റെ ചിത്രം ആലേഖനം ചെയ്ത 24 കാരറ്റ് സ്വർണ്ണ നാണയത്തിന്റെ രൂപകൽപ്പനയ്ക്കും ഫെഡറൽ ആർട്സ് കമ്മീഷൻ നേരത്തെ അംഗീകാരം നൽകിയിരുന്നു.
സ്മാർട്ട്ഫോൺ വിപണിയിലേക്ക് ഡൊണാൾഡ് ട്രംപ്; ‘ട്രംപ് മൊബൈൽ ടി വൺ’ വിതരണം ആരംഭിച്ചു
അമേരിക്കൻ കറൻസികളുടെ ചരിത്രത്തെ കുറിച്ചുള്ള വിവരങ്ങൾ പങ്കുവെക്കുമ്പോൾ, അമേരിക്കൻ പേപ്പർ കറൻസിയിൽ ചിത്രം പ്രത്യക്ഷപ്പെട്ട ആദ്യ വനിത മാർത്ത വാഷിംഗ്ടൺ (അമേരിക്കയുടെ സ്ഥാപക പിതാവും ആദ്യ പ്രസിഡന്റുമായിരുന്ന ജോർജ്ജ് വാഷിംഗ്ടണിന്റെ ഭാര്യ) ആണ്. ഈ ചരിത്രപരമായ തീരുമാനങ്ങളിലൂടെ അമേരിക്കൻ സമ്പദ്വ്യവസ്ഥയുടെ അടയാളങ്ങളിൽ പുതിയൊരു അധ്യായം കുറിക്കാനാണ് ട്രഷറി വകുപ്പ് ലക്ഷ്യമിടുന്നത്.
