തിരുവനന്തപുരം: ക്രിസ്മസ് അവധിക്കാലത്ത് തിരുവനന്തപും കാര്യവട്ടം ഗ്രീന്ഫീല്ഡ് സ്റ്റേഡിയത്തില് തിങ്ങിനിറഞ്ഞ കാഴ്ച വിരുന്നൊരുക്കി ഷഫാലിയുടെ വെടിക്കെട്ട് ബാറ്റിംഗ്. മൂന്നാം ടി20യില് ഇന്ത്യ വനിതാ ക്രിക്കറ്റ് ടീം ശ്രീലങ്ക വനിതാ ക്രിക്കറ്റ് ടീം-നെ എട്ട് വിക്കറ്റിന് തകര്ത്തു. ഓപ്പണര് ഷഫാലി വര്മ്മയുടെ തകര്പ്പന് അര്ധസെഞ്ച്വറിയാണ് ഇന്ത്യയെ അനായാസ വിജയത്തിലേക്ക് നയിച്ചത്. ഇതോടെ അഞ്ച് മത്സര പരമ്പരയില് ഇന്ത്യ 3-0ന് ലീഡ് നേടി.
പോക്സോ കേസില്പ്പെട്ട പേസര് യാഷ് ദയാലിനെ പുറത്താക്കി ആര്.സി.ബി
ടോസ് നേടി ബൗളിങ് തെരഞ്ഞെടുത്ത ഇന്ത്യന് ക്യാപ്റ്റന് ഹര്മന്പ്രീത് കൗറിന്റെ നീക്കം ശരിവക്കുന്ന തരത്തിലുളള പ്രകടനമാണ് ബൗളര്മാര് പുറത്തെടുത്തത്. ശ്രീലങ്കന് സ്കോര് 25 റണ്സില് നില്ക്കേ ലങ്കന് നായിക ചമാരി അട്ടപ്പട്ടുയെ പുറത്താക്കി മത്സരത്തില് ആദ്യം തന്നെ മുന്തൂക്കം നേടി ദീപ്തി ശര്മ്മ. പിന്നാലെ രേണുക സിങ്യുടെ വേഗവും കൃത്യതയും ലങ്കന് ബാറ്റ്സ്ന്മാരെ കുഴപ്പത്തിലാക്കി.
ഹാസിനി പെരേര (25), ഹര്ഷിത സമരവിക്രമ, നിലാക്ഷി ഡി സില്വ എന്നിവരെ മടക്കിയ രേണുക മത്സരത്തില് നാല് വിക്കറ്റ് വീഴ്ത്തി. ദീപ്തിയുടെ മൂന്ന് വിക്കറ്റുകളോടെ ശ്രീലങ്കയുടെ സ്കോര് 20 ഓവറില് 112ല് ഒതുങ്ങി.
ഐപിഎൽ തിരക്കിനിടയിൽ കോഹ്ലിയുടെ ‘ലൈക്ക്’ വിവാദം; ജർമ്മൻ ഇൻഫ്ലുവൻസറുടെ ചിത്രത്തിന് പിന്നാലെ ആരാധകർ; വീണ്ടും അൽഗോരിതം പണിയായോ?
113 റണ്സ് പിന്തുടര്ന്ന ഇന്ത്യയ്ക്ക് ഷഫാലി വര്മ്മയാണ് ഗംഭീര തുടക്കം നല്കിയത്. ആദ്യ ഓവറില് തന്നെ സിക്സറുമായി തുടക്കമിട്ട ഷെഫാലി, വെറും 24 പന്തില് അര്ധസെഞ്ച്വറി പൂര്ത്തിയാക്കി. സ്മൃതി മന്ദാന (1), ജെമീമ റോഡ്രിഗസ് (9) എന്നിവര് അതിവേഗം മടങ്ങിയെങ്കിലും ഒരു സൈഡില് ഷഫാലി ആക്രമണം തുടര്ന്നു. 42 പന്തില് 11 ഫോറും മൂന്ന് സിക്സറുമടക്കം 79 റണ്സോടെ പുറത്താകാതെ നിന്ന ഷെഫാലി 14-ാം ഓവറില് 40 പന്തുകള് ശേഷിക്കെ ഇന്ത്യയെ വിജയത്തിലെത്തിച്ചു-
നിര്ണായക നാല് വിക്കറ്റ് നേടി രേണുക സിങ്ങാണ് ‘കളിയിലെ താരം’ . പരമ്പരയിലെ ശേഷിക്കുന്ന രണ്ട് മത്സരങ്ങള് ഡിസംബര് 28, 30 തീയതികളില് കാര്യവട്ടത്ത് തന്നെ നടക്കും.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
