കൊച്ചി: മുൻ പൊതുമരാമത്ത് വകുപ്പ് മന്ത്രിയും കേരള കോൺഗ്രസ് നേതാവുമായ ടി.യു. കുരുവിള അന്തരിച്ചു. വാർധക്യസഹജമായ അസുഖങ്ങളെ തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിൽ കഴിയവെയായിരുന്നു 89-ാമത്തെ വയസ്സിൽ അദ്ദേഹത്തിന്റെ അന്ത്യം. കേരള രാഷ്ട്രീയത്തിൽ ദീർഘകാലത്തെ പ്രവർത്തന പരിചയമുള്ള അദ്ദേഹം കോതമംഗലം നിയോജക മണ്ഡലത്തെ പ്രതിനിധീകരിച്ച് 2006, 2011 നിയമസഭാ തെരഞ്ഞെടുപ്പുകളിൽ തുടർച്ചയായി വിജയിച്ച് നിയമസഭയിലെത്തിയിരുന്നു. 2006-ൽ അധികാരത്തിലേറിയ വി.എസ്. അച്യുതാനന്ദൻ മന്ത്രിസഭയിൽ അദ്ദേഹം പൊതുമരാമത്ത് വകുപ്പ് മന്ത്രിയായി മികച്ച സേവനമനുഷ്ഠിച്ചു.
“സച്ചിദാനന്ദന്റേത് സ്വന്തം അഭിപ്രായം; തുടർഭരണം വന്നാൽ കേരളത്തിൽ ‘പാവപ്പെട്ടവർ’എന്ന വാക്ക് ഉണ്ടാവില്ല : എംവി ഗോവിന്ദന്
തദ്ദേശ ഭരണരംഗത്തുനിന്നാണ് ടി.യു. കുരുവിള തന്റെ സജീവ രാഷ്ട്രീയ പ്രവർത്തനം ആരംഭിച്ചത്. നീണ്ട 14 വർഷക്കാലം കീരമ്പാറ പഞ്ചായത്ത് പ്രസിഡന്റായി മികച്ച പ്രവർത്തനം കാഴ്ചവെച്ച അദ്ദേഹം പിന്നീട് കോതമംഗലം നഗരസഭയുടെ ചെയർമാനായും ചുമതല വഹിച്ചു. പ്രാദേശിക വികസന പ്രവർത്തനങ്ങളിൽ വലിയ സംഭാവനകൾ നൽകിയ ജനകീയനായ ഒരു നേതാവിനെയാണ് അദ്ദേഹത്തിന്റെ വിയോഗത്തിലൂടെ കേരള കോൺഗ്രസിനും മധ്യകേരളത്തിലെ രാഷ്ട്രീയ സാമൂഹിക മണ്ഡലങ്ങൾക്കും നഷ്ടമായിരിക്കുന്നത്. സംസ്കാര ചടങ്ങുകൾ സംബന്ധിച്ച വിവരങ്ങൾ പിന്നീട് അറിയിക്കുമെന്ന് അദ്ദേഹത്തിന്റെ കുടുംബാംഗങ്ങൾ വ്യക്തമാക്കി.
മുഖ്യമന്ത്രിയുടെ ഗുരുവായൂർ ദർശനം ; ക്ഷേത്ര ഗോപുര രേഖകളിൽ പരിശോധന നടത്തി ദേവസ്വം ബോർഡ് ചെയർമാൻ
