കോട്ടയം: എന്.എസ്.എസ് നേതൃത്വത്തിന്റെ ഏകാധിപത്യ നിലപാടുകള്ക്കെതിരെയും പെരുന്നയിലെ വിവേചനത്തിനെതിരെയും ആഞ്ഞടിച്ച് പശ്ചിമ ബംഗാള് ഗവര്ണ്ണര് സി.വി. ആനന്ദബോസ്. ‘ഞാന് പെരുന്നയില് പോകുന്നത് ഗേറ്റ് കീപ്പറെ കാണാനല്ല, മന്നം പത്മനാഭനെ കാണാനാണ്’ എന്ന അദ്ദേഹത്തിന്റെ വാക്കുകള് സമുദായത്തിനകത്ത് വലിയ ചര്ച്ചകള്ക്ക് തിരികൊളുത്തിയിരിക്കുകയാണ്. മന്നം സമാധിയില് പുഷ്പാര്ച്ചന നടത്താന് ഗവര്ണ്ണര്ക്ക് അവസരം നല്കാതിരുന്ന നേതൃത്വം, വിവാദപുരുഷനായ മുരാരി ബാബുവിനെ വഴിവിട്ട് സഹായിച്ചതിലെ വൈരുദ്ധ്യമാണ് ഇപ്പോള് പ്രധാന ചര്ച്ചാവിഷയം.
തൃശൂര് സിപിഐയില് കെ.ഇ. ഇസ്മായില് പക്ഷത്തിന് അന്ത്യം; സി.സി. മുകുന്ദനെ പുറത്താക്കിയതും ആ വിഭാഗീയതയുടെ ഭാഗം; സിപിഐയുടെ തൃശൂര് ഘടകത്തില് വെട്ടിനിരത്തല് പൂര്ണ്ണം
എന്.എസ്.എസ് മറുപടി നല്കുമോ?സുകുമാരന് നായര്ക്കെതിരെ നേരിട്ടുള്ള ‘ഒളിയമ്പു’മായാണ് ആനന്ദബോസ് രംഗത്തെത്തിയിരിക്കുന്നത്. പ്രധാനമന്ത്രി ഗവര്ണ്ണറായി നിശ്ചയിച്ച വിവരം ആദ്യം അറിയിച്ച വ്യക്തിയില് നിന്ന് നേരിട്ട ഈ അനുഭവം സമുദായംഗങ്ങള്ക്കിടയില് വലിയ പ്രതിഷേധത്തിന് കാരണമായിട്ടുണ്ട്. ഈ കടന്നാക്രമണത്തിന് എന്.എസ്.എസ് നേതൃത്വം എന്ത് മറുപടി നല്കും എന്നാണ് രാഷ്ട്രീയ കേരളം ഉറ്റുനോക്കുന്നത്. എന്നാല് രാഷ്ട്രീയ ലക്ഷ്യം ആനന്ദബോസിന്റെ പ്രസ്താവനയ്ക്ക് പിന്നിലുണ്ടെന്നാണ് എന് എസ് എസ് വിലയിരുത്തല്. എല്ലാവര്ക്കും മന്നത്തേക്ക് വരാമെന്ന് അവര് ആവര്ത്തിക്കും. നിയമസഭാ തിരഞ്ഞെടുപ്പിന് തൊട്ടു മുമ്പുള്ള ഈ പ്രസ്താവനയില് ബിജെപി നേതൃത്വത്തെ എന് എസ് എസ് അതൃപ്തി അറിയിക്കും. ആനന്ദബോസിനെ കരയോഗ പരിപാടികളില് പങ്കെടുപ്പിക്കരുതെന്ന അനൗദ്യോഗിക നിര്ദ്ദേശവും നല്കും.
സമുദായ ആസ്ഥാനം ഒരാളുടെ മാത്രം തറവാടായി മാറരുതെന്ന് അദ്ദേഹം തുറന്നടിച്ചു. കാരണവന്മാരെ ബഹുമാനിക്കണം, പക്ഷേ അത് സാധാരണക്കാര്ക്കും യുവാക്കള്ക്കും തങ്ങളുടെ ആചാര്യന്റെ സമാധിയില് പുഷ്പാര്ച്ചന നടത്താനുള്ള അവകാശത്തെ തടഞ്ഞുകൊണ്ടാവരുത്. ഓരോ നായര് സമുദായംഗത്തിനും മന്നം സമാധിയില് വണങ്ങാന് അവകാശമുണ്ട്. തനിക്ക് ആ അവകാശം നിഷേധിച്ചത് എന്തിനാണെന്ന് നേതൃത്വം വ്യക്തമാക്കണമെന്ന് അദ്ദേഹം ആവശ്യപ്പെട്ടു. താനൊരു കരയോഗ നായരാണെന്നും തനിക്ക് ഐ.എ.എസ് കിട്ടിയതും ഗവര്ണ്ണര് പദവിയിലെത്തിയതും സമുദായത്തിന്റെ പിന്ബലത്തിലാണെന്നും പറഞ്ഞ അദ്ദേഹം, തന്റെ കടപ്പാട് സമുദായത്തോടാണെന്ന് ഊന്നിപ്പറഞ്ഞു.
‘തലപോയാലും വിശ്വസിച്ചവരെ വഞ്ചിക്കില്ല’; ചുവപ്പിനെ നെഞ്ചോട് ചേർത്ത് കെ.ടി. ജലീലിന്റെ ഫേസ്ബുക്ക് പോസ്റ്റ്
ശബരിമലയിലെ മോഷണവുമായി ബന്ധപ്പെട്ട് വിവാദത്തിലായ മുരാരി ബാബുവിന് പെരുന്നയില് ലഭിച്ച വിവിഐപി പരിഗണനയും, അതേസമയം സംസ്ഥാനത്തിന്റെ പ്രഥമ പൗരനായ ഗവര്ണ്ണര്ക്ക് നേരിടേണ്ടി വന്ന അവഗണനയും തമ്മിലുള്ള വൈരുദ്ധ്യം വാര്ത്താ കേന്ദ്രങ്ങള് ഉയര്ത്തിക്കാട്ടുന്നു. മുരാരി ബാബുവിനെപ്പോലുള്ളവരെ ഉയര്ത്തിപ്പിടിച്ചവര്, സ്വന്തം സമുദായത്തില്പ്പെട്ട ഒരു ഗവര്ണ്ണറെ ഗേറ്റ് കീപ്പറുടെ ദാക്ഷിണ്യത്തിന് വിട്ടുനല്കിയത് ബോധപൂര്വ്വമായ അവഹേളനമാണെന്ന ആക്ഷേപം ശക്തമാണ്. പെരുന്നയിലെ വിവേചനത്തിന് മറുപടിയായി ഡല്ഹിയില് (ഇന്ദ്രപ്രസ്ഥം) മന്നം പത്മനാഭന് ഒരു സ്മാരകം പണിയാന് ആനന്ദബോസ് ആഹ്വാനം ചെയ്തു. ഇതിനായി തന്റെ ഒരു മാസത്തെ ശമ്പളം അദ്ദേഹം സംഭാവനയായി പ്രഖ്യാപിച്ചു. സമുദായ സ്നേഹം വാക്കിലല്ല പ്രവൃത്തിയിലാണ് വേണ്ടതെന്ന് തെളിയിക്കുന്നതാണ് ഗവര്ണ്ണറുടെ ഈ നീക്കം.
ആനന്ദബോസ് നടത്തിയ കടന്നാക്രമണം കേരള രാഷ്ട്രീയത്തിലും സമുദായത്തിനകത്തും പുതിയ പോര്മുഖം തുറക്കുന്നു. ഗവര്ണ്ണറുടെ ആരോപണങ്ങള് രാഷ്ട്രീയ ലക്ഷ്യത്തോടെയുള്ളതാണെന്ന വിലയിരുത്തലില് എന്.എസ്.എസ് നേതൃത്വം തിരിച്ചടിക്കാനൊരുങ്ങുകയാണ്. നിയമസഭാ തിരഞ്ഞെടുപ്പ് പടിവാതില്ക്കല് നില്ക്കെ, സമുദായ നേതൃത്വത്തെ പ്രതിക്കൂട്ടിലാക്കുന്ന പ്രസ്താവനയ്ക്കു പിന്നില് കൃത്യമായ അജണ്ടയുണ്ടെന്നാണ് പെരുന്നയുടെ വിലയിരുത്തല്. ഗവര്ണ്ണറുടെ പ്രസ്താവനയില് ബി.ജെ.പി കേന്ദ്ര നേതൃത്വത്തെ എന്.എസ്.എസ് ഔദ്യോഗികമായി അതൃപ്തി അറിയിക്കും. സമുദായ ആസ്ഥാനത്തെ ആക്ഷേപിക്കുന്നത് തിരഞ്ഞെടുപ്പില് തിരിച്ചടിയാകുമെന്ന സൂചനയായിരിക്കും നല്കുക.
‘സമുദായ ആസ്ഥാനം ഒരാളുടെ മാത്രം തറവാടായി മാറരുത്’ എന്ന ഗവര്ണ്ണറുടെ പ്രസ്താവന പെരുന്നയിലെ നിലവിലെ നേതൃത്വത്തിന് നേരെയുള്ള നേരിട്ടുള്ള വെല്ലുവിളിയാണ്. സമുദായംഗങ്ങള്ക്ക് അവരുടെ ആചാര്യന്റെ സമാധിയില് വണങ്ങാന് ഗേറ്റ് കീപ്പറുടെ അനുമതി വേണമെന്നത് ജനാധിപത്യ വിരുദ്ധമാണെന്ന് അദ്ദേഹം ആവര്ത്തിക്കുന്നു. നിയമസഭാ തിരഞ്ഞെടുപ്പിന് മുന്പ് എന്.എസ്.എസ് നേതൃത്വവും ബി.ജെ.പിയും തമ്മിലുള്ള ബന്ധത്തില് ഈ വിവാദം വിളളലുണ്ടാക്കാന് സാധ്യതയുണ്ട്. ഗവര്ണ്ണര് ആനന്ദബോസിനെ മുന്നിര്ത്തി സമുദായത്തിനുള്ളിലെ അതൃപ്തരെ ഒപ്പം നിര്ത്താനുള്ള നീക്കം ബി.ജെ.പി കേന്ദ്രങ്ങള് നടത്തുന്നുണ്ടോ എന്ന സംശയത്തിലാണ് എന്.എസ്.എസ്.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
