ബെംഗളൂരു: ബിസിനസ് ലോകത്തെയും സിനിമാ മേഖലയെയും ഒരുപോലെ ഞെട്ടിച്ചുകൊണ്ട് കോണ്ഫിഡന്റ് ഗ്രൂപ്പ് ചെയര്മാന് സി.ജെ. റോയ് വിടവാങ്ങിയപ്പോള്, അദ്ദേഹം നിര്മ്മിച്ച ഏറ്റവും പുതിയ സിനിമയുടെ പേര് ഒരു വലിയ നോവായും യാദൃശ്ചികതയായും മാറുന്നു. ഭാവന കേന്ദ്ര കഥാപാത്രത്തെ അവതരിപ്പിക്കുന്ന ‘അനോമി: ദി ഇക്വേഷന് ഓഫ് ഡെത്ത്’ എന്ന സിനിമയുടെ റിലീസ് റോയിയുടെ അപ്രതീക്ഷിത വിയോഗത്തെത്തുടര്ന്ന് അനിശ്ചിതകാലത്തേക്ക് മാറ്റിവച്ചു.
സമൂഹത്തിലെ മാറ്റങ്ങള്ക്കിടയില് വ്യക്തികള്ക്ക് അനുഭവപ്പെടുന്ന ഏകാന്തതയും അന്യവല്ക്കരണവും ലക്ഷ്യബോധമില്ലായ്മയുമാണ് ‘അനോമി’ എന്ന പദം കൊണ്ട് അര്ത്ഥമാക്കുന്നത്. തന്റെ സിനിമയുടെ പേര് സൂചിപ്പിക്കുന്നതുപോലെ, ഏതോ മാനസിക സമ്മര്ദ്ദങ്ങള്ക്കിടയില് മരണത്തിന്റെ സമവാക്യങ്ങള് തേടി ആ വ്യവസായിയും മാഞ്ഞുപോയിരിക്കുകയാണ്. വന് ജനാവലിയുടെ സാന്നിധ്യത്തില് സംസ്കാര ചടങ്ങുകള് ബെംഗളൂരുവില് നടന്നു. ബിസിനസ് രംഗത്തെ കരുത്തനായ റോയിക്ക് സിനിമാ ലോകവുമായി അടുത്ത ബന്ധമാണുണ്ടായിരുന്നത്. സിനിമയുടെ റിലീസ് കാണാന് കാത്തുനില്ക്കാതെ അദ്ദേഹം വിടവാങ്ങിയത് ഉറ്റവര്ക്കും സുഹൃത്തുക്കള്ക്കും വലിയ ആഘാതമായി.
അദ്ദേഹത്തിന്റെ മരണത്തോടെ കോടിക്കണക്കിന് രൂപയുടെ ആസ്തിയുള്ള കോണ്ഫിഡന്റ് ഗ്രൂപ്പിന്റെ ഭാവി സംബന്ധിച്ച ആശങ്കകള്ക്ക് ഇപ്പോള് വ്യക്തത വന്നിട്ടുണ്ട്. സംസ്കാര ചടങ്ങുകള്ക്ക് ശേഷം നടന്ന വാര്ത്താ സമ്മേളനത്തില് സഹോദരന് സി.ജെ. ബാബുവാണ് കമ്പനിയുടെ വരാനിരിക്കുന്ന പ്രവര്ത്തനങ്ങളെക്കുറിച്ച് വിശദീകരിച്ചത്. റോയിയുടെ മകന് രോഹിത്തും കേരളത്തിലെ ചുമതലയുള്ള ജോസഫും ചേര്ന്നാകും ഇനി ഗ്രൂപ്പിന്റെ നേതൃത്വം വഹിക്കുക. നിലവിലുള്ള എല്ലാ പ്രോജക്റ്റുകളും തടസ്സമില്ലാതെ മുന്നോട്ട് കൊണ്ടുപോകാനാണ് കുടുംബം തീരുമാനിച്ചിരിക്കുന്നത്.
റോയിക്ക് യാതൊരുവിധ കടബാധ്യതകളോ സാമ്പത്തിക പ്രതിസന്ധികളോ ഉണ്ടായിരുന്നില്ലെന്ന് കുടുംബം ആവര്ത്തിച്ചു വ്യക്തമാക്കി. വെറുമൊരു ആദായനികുതി റെയ്ഡിന്റെ പേരില് ജീവനൊടുക്കുന്ന ആളല്ല റോയി എന്നും, മരണത്തില് അസ്വാഭാവികത ഉണ്ടെന്നും വിശ്വസിക്കുന്നവര് ഏറെയാണ്. സമൂഹം വലിയ മാറ്റങ്ങളിലൂടെ കടന്നുപോകുമ്പോള് വ്യക്തികള്ക്ക് അനുഭവപ്പെടുന്ന ഏകാന്തതയും അന്യവല്ക്കരണവും റോയിയെയും ബാധിച്ചിരുന്നോ എന്ന സംശയം ബാക്കിയാകുന്നു. സിനിമയുടെ പേരുപോലെ തന്നെ നിഗൂഢമായ ഒരു സമവാക്യമായി അദ്ദേഹത്തിന്റെ മരണം അവശേഷിക്കുകയാണ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ഖജനാവ് കാലി; പുതിയ ധനമന്ത്രി പാടുപെടും; കേന്ദ്രം കനിഞ്ഞില്ലെങ്കില് ശമ്പളവും പെന്ഷനും മുടങ്ങുന്ന അവസ്ഥ; യുഡിഎഫ് ‘ധവളപത്രം’ ഇറക്കിയേക്കും
