ബംഗാൾ : പശ്ചിമ ബംഗാളിൽ ന്യൂനപക്ഷ ക്ഷേമ വിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന മുഴുവൻ മദ്രസകളിലും ‘വന്ദേമാതരം’ ആലപിക്കുന്നത് നിർബന്ധമാക്കി സംസ്ഥാന സർക്കാർ. മെയ് 19-ന് മദ്രസാ വിദ്യാഭ്യാസ ഡയറക്ടർ ഒപ്പുവെച്ച ഔദ്യോഗിക വിജ്ഞാപനത്തിലാണ് ഈ പുതിയ നിയമം കൊണ്ടുവന്നിരിക്കുന്നത് . ഉത്തരവ് പുറത്ത് വരുന്ന നിമിഷം മുതൽ തന്നെ ഇത് പ്രാബല്യത്തിൽ വരുമെന്നും സംസ്ഥാനത്തുടനീളമുള്ള സർക്കാർ മോഡൽ മദ്രസകൾ, അംഗീകൃത ഗവൺമെന്റ് എയ്ഡഡ് മദ്രസകൾ, അൺ-എയ്ഡഡ് മദ്രസകൾ എന്നിവയ്ക്കെല്ലാം ഈ നിയമം ഒരേപോലെ ബാധകമായിരിക്കുമെന്നും വിജ്ഞാപനത്തിൽ വ്യക്തമാക്കുന്നു.
“നിങ്ങളെന്നെ കമ്മ്യൂണിസ്റ്റാക്കി”; കോൺഗ്രസ് വിട്ട എൻ.എസ്. നുസൂർ സിപി എമ്മിൽ; കൈവിട്ടത് നേതൃത്വത്തിനെതിരെ ആഞ്ഞടിച്ച്; സ്വീകരിച്ച് എം വി ഗോവിന്ദൻ
“മുൻപുണ്ടായിരുന്ന എല്ലാത്തരം ഉത്തരവുകളും കീഴ്വഴക്കങ്ങളും റദ്ദാക്കിക്കൊണ്ടാണ് പുതിയ തീരുമാനം നടപ്പിലാക്കുന്നത്. മദ്രസകളിൽ ദിവസേന ക്ലാസുകൾ ആരംഭിക്കുന്നതിന് തൊട്ടുമുമ്പ് നടക്കുന്ന മോണിംഗ് അസംബ്ലി പ്രാർത്ഥന വേളയിൽ വന്ദേമാതരം ആലപിക്കുന്നത് ഇനി മുതൽ പൂർണ്ണമായും നിർബന്ധമാക്കിയിരിക്കുന്നു,” എന്ന് സർക്കാർ ഉത്തരവിൽ കൃത്യമായി രേഖപ്പെടുത്തിയിട്ടുണ്ട്. ഈ നിയമം എല്ലാ മദ്രസകളും കൃത്യമായി പാലിക്കുന്നുണ്ടോ എന്ന് ഉറപ്പുവരുത്താൻ വിദ്യാലയങ്ങൾ അതത് വകുപ്പ് മേധാവികൾക്ക് കൃത്യമായ കംപ്ലയൻസ് റിപ്പോർട്ട് സമർപ്പിക്കണമെന്നും ന്യൂനപക്ഷ ക്ഷേമ വകുപ്പ് വൃത്തങ്ങൾ അറിയിച്ചിട്ടുണ്ട്.
ബംഗാൾ മദ്രസകളിൽ ഇതുവരെ പ്രഭാത അസംബ്ലികളിൽ ഇന്ത്യയുടെ ദേശീയഗാനമായ ‘ജനഗണമന’യായിരുന്നു വിദ്യാർത്ഥികൾ ആലപിച്ചിരുന്നത്. ഇതിനൊപ്പം പ്രശസ്ത കവിയായ ഗുലാം മുസ്തഫ രചിച്ച ‘അനന്ത അസീം പ്രേമമയി തുമി’ എന്ന പ്രാർത്ഥനാ ഗീതവും മദ്രസകളിൽ വിദ്യാർത്ഥികൾ പാടാറുണ്ടായിരുന്നതായി അധ്യാപകർ പറയുന്നു . എന്നാൽ ഈ പഴയ രീതികളെല്ലാം മാറ്റിമറിച്ചു കൊണ്ടാണ് ബങ്കിം ചന്ദ്ര ചതോപാധ്യായയുടെ ‘വന്ദേമാതരം’ അസംബ്ലികളിൽ നിർബന്ധമാക്കിയിരിക്കുന്നത്.
തദ്ദേശത്തിലെ ഫലം കണ്ടല്ലോ… ഇനി അഞ്ചു മാസം കഴിയുമ്പോള് കേരളത്തിലെ രാഷ്ട്രീയം മാറും…. അപ്പോള് നീതി കേടുകള്ക്ക് എണ്ണിയെണ്ണി പോലീസ് മറുപടി പറയേണ്ടി വരുമെന്ന് പോലീസ് ഉന്നതന് മുന്നറിയിപ്പ് നല്കി പ്രതിപക്ഷ പ്രമുഖന്; പിന്നാലെ സുബ്രഹ്മണ്യത്തിന് മോചനം; ആ എഐ കേസില് പോലീസ് പുനര്ചിന്തനം; കോഴിക്കോട്ടെ അറസ്റ്റും വിട്ടയ്ക്കലും: പ്രതിപക്ഷ ഇടപെടല് ഫലം കണ്ടു!
