തിരുവനന്തപുരം: ചലച്ചിത്ര അക്കാദമി മുന് ആക്ടിങ് ചെയര്മാനും നടനുമായ പ്രേംകുമാര് കോണ്ഗ്രസിലേക്ക് ചേക്കേറുന്നു. നിയമസഭാ തിരഞ്ഞെടുപ്പില് അദ്ദേഹത്തെ തിരുവനന്തപുരം ജില്ലയിലെ നിര്ണ്ണായക മണ്ഡലങ്ങളില് ഒന്നില് സ്ഥാനാര്ത്ഥിയാക്കാനാണ് കോണ്ഗ്രസ് നീക്കം. എ.ഐ.സി.സി ജനറല് സെക്രട്ടറി കെ.സി. വേണുഗോപാലുമായി അദ്ദേഹം ഉടന് ചര്ച്ച നടത്തും. നാടാര് സമുദായത്തിന് വലിയ സ്വാധീനമുള്ള കാട്ടാക്കടയിലോ അരുവിക്കരയിലോ പ്രേംകുമാറിനെ മത്സരിപ്പിക്കാനാണ് പാര്ട്ടി ആലോചിക്കുന്നത്.
നെയ്യാറ്റിന്കരയില് മുതിര്ന്ന നേതാവ് എന്. ശക്തന് മത്സരിക്കുന്ന സാഹചര്യത്തില്, ജില്ലയിലെ മറ്റ് നാടാര് ഭൂരിപക്ഷ മണ്ഡലങ്ങളില് പ്രേംകുമാറിനെപ്പോലൊരു ജനകീയ മുഖത്തെ ഇറക്കുന്നത് ഗുണകരമാകുമെന്ന് കോണ്ഗ്രസ് വിലയിരുത്തുന്നു. കഴിഞ്ഞ ജില്ലാ പഞ്ചായത്ത് തിരഞ്ഞെടുപ്പില് ഈ മേഖലകളില് കോണ്ഗ്രസ് നേടിയ മുന്നേറ്റം നിയമസഭയിലും ആവര്ത്തിക്കാനാണ് ഈ നീക്കം. ചലച്ചിത്ര അക്കാദമിയില് നിന്ന് തന്നെ മാറ്റിയതില് സര്ക്കാര് കാട്ടിയ ‘ഇരട്ടനീതി’ ഉയര്ത്തിക്കാട്ടി ഇടതുപക്ഷത്തിന് സാംസ്കാരിക മേഖലയിലുള്ള സ്വാധീനത്തിന് വിള്ളലുണ്ടാക്കാനും കോണ്ഗ്രസ് ലക്ഷ്യമിടുന്നു. എഐസിസി ജനറല് സെക്രട്ടറി കെസി വേണുഗോപാലുമായി പ്രേംകുമാര് സംസാരിച്ചു കഴിഞ്ഞു.
എ.ഐ.സി.സി ജനറല് സെക്രട്ടറി കെ.സി. വേണുഗോപാലുമായി അദ്ദേഹം ഫോണില് സംസാരിച്ചു. നാളെ ഇരുവരും നേരിട്ട് കൂടിക്കാഴ്ച നടത്തും. നിയമസഭാ തിരഞ്ഞെടുപ്പില് തിരുവനന്തപുരം ജില്ലയിലെ നാടാര് സമുദായത്തിന് സ്വാധീനമുള്ള മണ്ഡലങ്ങളില് പ്രേംകുമാറിനെ സ്ഥാനാര്ത്ഥിയാക്കാനാണ് കോണ്ഗ്രസ് നീക്കം. കാട്ടാക്കട, അരുവിക്കര മണ്ഡലങ്ങളാണ് പാര്ട്ടി പ്രധാനമായും പരിഗണിക്കുന്നത്.
ചലച്ചിത്ര അക്കാദമി അധ്യക്ഷ സ്ഥാനത്തുനിന്ന് തന്നെ നീക്കിയതില് സര്ക്കാര് ‘ഇരട്ടനീതി’ കാട്ടിയെന്ന് പ്രേംകുമാര് തുറന്നടിച്ചു. ആശാ വര്ക്കര്മാരുടെ സമരത്തെ അനുകൂലിച്ചതിന്റെ പേരില് മുന്നറിയിപ്പില്ലാതെ തന്നെ മാറ്റിയത് മാന്യതയില്ലാത്ത നടപടിയാണെന്നും വീട്ടുവേലക്കാരെ പിരിച്ചുവിടുമ്പോള് കാട്ടുന്ന സാമാന്യ മര്യാദ പോലും സര്ക്കാര് കാണിച്ചില്ലെന്നും അദ്ദേഹം മാധ്യമങ്ങളോട് പറഞ്ഞു. സര്ക്കാരിനെതിരെ സമാനമായ രീതിയില് വിമര്ശനം ഉന്നയിച്ച സാഹിത്യ അക്കാദമി അധ്യക്ഷന് സച്ചിദാനന്ദന് അതേ സ്ഥാനത്ത് തുടരുമ്പോള് തന്നോട് മാത്രം വിവേചനം കാട്ടിയത് എന്തിനാണെന്നും അദ്ദേഹം ചോദിച്ചു.
കോളേജ് കാലത്ത് താന് കെ.എസ്.യു സ്ഥാനാര്ത്ഥിയായി മത്സരിച്ചിട്ടുണ്ടെന്ന പ്രേംകുമാറിന്റെ വെളിപ്പെടുത്തല് കോണ്ഗ്രസിലേക്കുള്ള മടക്കത്തിന്റെ സൂചനയായാണ് രാഷ്ട്രീയ കേന്ദ്രങ്ങള് വിലയിരുത്തുന്നത്. നെയ്യാറ്റിന്കരയില് എന്. ശക്തന് മത്സരിക്കുമ്പോള്, ജില്ലയിലെ മറ്റ് നാടാര് ഭൂരിപക്ഷ മണ്ഡലങ്ങളില് പ്രേംകുമാറിനെപ്പോലൊരു ജനകീയ മുഖത്തെ ഇറക്കുന്നത് ഗുണകരമാകുമെന്ന് ഹൈക്കമാന്ഡ് കരുതുന്നു. മുന്പ് സംവിധായകന് രഞ്ജിത്ത് മാറിയ ഒഴിവിലായിരുന്നു പ്രേംകുമാറിന് അക്കാദമിയുടെ ചുമതല നല്കിയത്.
അതേസമയം, ഭരണസമിതി കാലാവധി പൂര്ത്തിയായതിനെത്തുടര്ന്നുള്ള സ്വാഭാവിക നടപടി മാത്രമാണ് ഉണ്ടായതെന്നും വ്യക്തിപരമായ നിലപാടുകളുടെ പേരിലല്ല പ്രേംകുമാറിനെ മാറ്റിയതെന്നും സാംസ്കാരിക മന്ത്രി സജി ചെറിയാന് വിശദീകരിച്ചു. എന്നാല്, ഈ വിശദീകരണം തള്ളിയ പ്രേംകുമാര്, സാംസ്കാരിക മേഖലയിലെ വരേണ്യബോധമാണ് ഇരട്ടനീതിക്ക് പിന്നിലെന്ന് ആവര്ത്തിച്ചു.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
വിഴിഞ്ഞത്തെ വിസ്മയം ലോകം കീഴടക്കി! സച്ചിന് തൊട്ടു; സഞ്ജു ഉദിച്ചു! കിവീസ് പടയെ തരിപ്പണമാക്കി മലയാളി മുത്ത്; ഇനി ഇന്ത്യന് ക്രിക്കറ്റിന്റെ പടനായകനോ?
