മലപ്പുറം: തിരഞ്ഞെടുപ്പ് പ്രചാരണത്തിനിടെ വോട്ടർമാരെ സ്വാധീനിക്കാൻ സൗജന്യ വിദേശയാത്ര വാഗ്ദാനം ചെയ്ത മുസ്ലീം ലീഗ് സംസ്ഥാന വൈസ് പ്രസിഡന്റ് സി.പി. ബാവ ഹാജിക്കെതിരെ പോലീസ് കേസെടുത്തു. തവനൂർ മണ്ഡലത്തിലെ യുഡിഎഫ് സ്ഥാനാർത്ഥിയുടെ വിജയത്തിനായി വാഗ്ദാനം നൽകിയതിനാണ് പെരുമാറ്റച്ചട്ട ലംഘന പ്രകാരം നടപടി സ്വീകരിച്ചത്. കേസിന്റെ അന്വേഷണ ചുമതല തിരൂർ എസ്.എച്ച്.ഒ. അനിൽ കുമാർ മേപ്പള്ളിക്കാണ് നൽകിയിരിക്കുന്നത്.
‘പി. ജയരാജനെ വിളിക്കൂ, പാര്ട്ടിയെ രക്ഷിക്കൂ’ ! സിപിഎമ്മില് ‘ഉരുള്പൊട്ടല്’; ഗോവിന്ദനെതിരെ പടയൊരുക്കം, പി. ജയരാജനായി മുറവിളി; പിണറായിയും പ്രതിസന്ധിയില്; ഈ പാര്ട്ടി ‘കലാപം’ തെറ്റുതിരുത്തലാകുമോ?
തവനൂരിലെ യുഡിഎഫ് സ്ഥാനാർത്ഥി വി.എസ്. ജോയിക്ക് മണ്ഡലത്തിൽ ഏറ്റവും കൂടുതൽ ഭൂരിപക്ഷം സമ്മാനിക്കുന്ന പഞ്ചായത്ത് കമ്മിറ്റി ഭാരവാഹികൾക്കാണ് ബാവ ഹാജി വിദേശയാത്ര ഓഫർ ചെയ്തത്. താമസവും വിമാന ടിക്കറ്റും ഉൾപ്പെടെ എല്ലാ ചെലവുകളും വഹിക്കുന്ന 15 ദിവസത്തെ സമ്പൂർണ്ണ ഗൾഫ് യാത്രയായിരുന്നു വാഗ്ദാനം. തിരഞ്ഞെടുപ്പ് പ്രചാരണ യോഗത്തിനിടെ നടത്തിയ ഈ പ്രഖ്യാപനം ഗുരുതരമായ ചട്ടലംഘനമാണെന്ന് കണ്ടെത്തിയതിനെത്തുടർന്നാണ് അധികൃതർ കേസെടുത്തത്.
വോട്ട് ഉറപ്പാക്കാൻ സമ്മാനങ്ങളോ ആനുകൂല്യങ്ങളോ വാഗ്ദാനം ചെയ്യുന്നത് ജനപ്രാതിനിധ്യ നിയമപ്രകാരം കുറ്റകരമാണ്. സ്ഥാനാർത്ഥിക്കായി ഭൂരിപക്ഷം നേടിക്കൊടുക്കാൻ കമ്മിറ്റികൾക്ക് ഇത്തരം പാരിതോഷികങ്ങൾ പ്രഖ്യാപിക്കുന്നത് തിരഞ്ഞെടുപ്പ് സുതാര്യതയെ ബാധിക്കുമെന്ന് ചൂണ്ടിക്കാണിക്കപ്പെടുന്നു. സംഭവത്തിൽ വിശദമായ അന്വേഷണം നടത്തി റിപ്പോർട്ട് സമർപ്പിക്കാൻ തിരഞ്ഞെടുപ്പ് കമ്മീഷൻ നിർദ്ദേശം നൽകിയിട്ടുണ്ട്.
ബിജെപിക്ക് എവിടെ പിഴച്ചു? സംസ്ഥാന നേതൃത്വത്തെ കടന്നാക്രമിച്ച് മുൻ ഡിജിപി ടി.പി സെൻകുമാർ രംഗത്ത്
