മുംബൈ: ടി20 ലോകകപ്പ് കിരീടധാരണത്തിന് പിന്നാലെ മുംബൈ വാംഖഡെ സ്റ്റേഡിയത്തിലെ ഗ്രൗണ്ട് ജീവനക്കാർക്ക് നൽകിയ വാഗ്ദാനം നിറവേറ്റി ഇന്ത്യൻ ഓൾറൗണ്ടർ ഹാർദിക് പാണ്ഡ്യ. ലോകകപ്പിന് മുന്നോടിയായി തനിക്ക് പരിശീലനത്തിന് എല്ലാവിധ സൗകര്യങ്ങളും ഒരുക്കി നൽകിയ 11 ഗ്രൗണ്ട് സ്റ്റാഫിന് പത്ത് ലക്ഷം രൂപ വീതം ആകെ 1.10 കോടി രൂപയുടെ ചെക്കുകൾ കൈമാറിയാണ് ഹാർദിക് മാതൃകയായത്.
ഐപിഎല്ലിന് മുന്നോടിയായി വാംഖഡെയിൽ നടത്തിയ കഠിനമായ പരിശീലന സെഷനുകളിൽ രാത്രി വൈകിയും ഹാർദിക്കിന് എല്ലാവിധ പിന്തുണയും നൽകിയത് ഇവിടുത്തെ ജീവനക്കാരായിരുന്നു. അന്ന് അവർക്ക് നൽകിയ ഉറപ്പാണ് ലോകകപ്പ് വിജയത്തിന് ശേഷം താരം പാലിച്ചത്. വ്യാഴാഴ്ച വാംഖഡെയിലെത്തിയ ഹാർദിക് നേരിട്ടാണ് ജീവനക്കാർക്ക് ചെക്കും മറ്റ് നിരവധി സമ്മാനങ്ങളും കൈമാറിയത്.
അഹമ്മദാബാദിൽ നടന്ന ആവേശകരമായ ഫൈനലിൽ ന്യൂസിലൻഡിനെ 96 റൺസിന് തകർത്ത് ഇന്ത്യ ലോകകപ്പ് കിരീടം നിലനിർത്തിയപ്പോൾ ഹാർദിക്കിന്റെ പ്രകടനം നിർണ്ണായകമായിരുന്നു. 2024-ലും 2026-ലും ലോകകപ്പ് നേടിയ ഇന്ത്യൻ ടീമിൽ അംഗമായതോടെ രണ്ട് തവണ ടി20 ലോകകപ്പ് കിരീടം ചൂടുന്ന അപൂർവ്വ താരമെന്ന നേട്ടവും ഹാർദിക് സ്വന്തമാക്കി.
ലോകകപ്പ് വിജയത്തിന് പിന്നാലെ തന്റെ പങ്കാളി മഹികാ ശർമ്മയ്ക്ക് 10 കോടി രൂപ വിലമതിക്കുന്ന ഫെറാരി 12 സിലിണ്ടറി ആഡംബര കാർ ഹാർദിക് സമ്മാനിച്ചിരുന്നു. ഇതിന് മുൻപ് മുൻഭാര്യ നടാഷ സ്റ്റാൻകോവിച്ചിനും മകനും താരം ആഡംബര കാർ സമ്മാനമായി നൽകിയിരുന്നു. കളിക്കളത്തിലെ വീര്യത്തിനൊപ്പം തന്നെ തന്റെ വ്യക്തിജീവിതത്തിലെ നിലപാടുകൾ കൊണ്ടും ഹാർദിക് പാണ്ഡ്യ വീണ്ടും വാർത്തകളിൽ നിറയുകയാണ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ഈ മാസവും ടൗണ്ഷിപ്പ് താമസയോഗ്യമാകില്ല; ചൂരല്മലയിലെ വീടുകളില് വിള്ളല് കണ്ടെത്തിയത് ദുരന്തബാധിതരെ ആശങ്കയിലാഴ്ത്തുന്നു; മഴക്കാലം എത്തിയാല് പുനരധിവാസം പ്രതിസന്ധിയിലാകും
