ശബരിമല: നടിയെ ആക്രമിച്ച കേസില് കോടതി കുറ്റവിമുക്തനാക്കിയതിന് പിന്നാലെ, നടന് ദിലീപ് ശബരിമലയിലെത്തി ദര്ശനം നടത്തി. ഇന്ന് പുലര്ച്ചെയാണ് അദ്ദേഹം സന്നിധാനത്ത് എത്തിയത്.
കേരളം കാത്തിരുന്ന വമ്പന് പ്രഖ്യാപനങ്ങള് ഇല്ല ; പ്രധാനമന്ത്രിയുടെ സന്ദര്ശനം വെറും ‘ഷോ’ ആയി മാറിയെന്ന് വിമര്ശനം
ദേവസ്വം ഉദ്യോഗസ്ഥരുടെ സഹായത്തോടെ പിആര് ഓഫീസില് നിന്ന് സോപാനത്തിലെത്തിയ ദിലീപ് തന്ത്രിയുമായി കൂടിക്കാഴ്ച നടത്തി. അതിനുശേഷം ശ്രീകോവിലില് ദര്ശനം നടത്തി മടങ്ങി. എന്നാല്, പതിനെട്ടാം പടി ചവിട്ടാതെ സ്റ്റാഫ് ഗേറ്റ് വഴിയാണ് നടന് സന്നിധാനത്തേക്ക് എത്തിയത്.
നടിയെ ആക്രമിച്ച കേസില് കോടതി വിധിക്ക് മുന്നോടിയായി ദിലീപ് വ്രതം തുടങ്ങിയിരുന്നു എന്നും വിധി അനുകൂലമായാല് ഉടന് ശബരിമലയില് എത്തുമെന്നും സൂചനകളുണ്ടായിരുന്നു. നേരത്തെ, ഈ കേസുമായി ബന്ധപ്പെട്ട് ജയിലില് റിമാന്ഡില് കഴിഞ്ഞ ശേഷം പുറത്തിറങ്ങിയപ്പോഴും ദിലീപ് ശബരിമലയില് എത്തിയിരുന്നു. അന്ന് ദര്ശന സമയത്ത് ശ്രീകോവിലിന് മുന്നില് കൂടുതല് സമയം ചെലവഴിച്ചത് വലിയ വിവാദമാകുകയും ഹൈക്കോടതിയുടെ വിമര്ശനത്തിന് ഇടയാക്കുകയും ചെയ്തിരുന്നു. അതുകൊണ്ട് തന്നെ ഇത്തവണത്തെ സന്ദര്ശനം കൂടുതല് രഹസ്യസ്വഭാവമുള്ളതായിരുന്നു.
എ. പത്മകുമാറിനെ സിപിഎം പുറത്താക്കിയേക്കും; വാട്സാപ്പ് ഗ്രൂപ്പിൽ നിന്ന് പുറത്താക്കിയതിന് പിന്നാലെ വിശദീകരണം തേടി പാർട്ടി നോട്ടീസ് നൽകി. ‘സ്വർണ്ണക്കൊള്ള’ പാർട്ടിക്ക് അവമതിപ്പുണ്ടാക്കിയെന്ന് വിലയിരുത്തൽ
ദിലീപ് നായകനായ പുതിയ ചിത്രം ‘ഭഭബ’ ഡിസംബര് 18-ന് റിലീസ് ചെയ്യാനിരിക്കെയാണ് ഈ ശബരിമല സന്ദര്ശനം എന്നത് ശ്രദ്ധേയമാണ്.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
