കൊച്ചി: കൊച്ചി കേന്ദ്രീകരിച്ച് നടന്ന അന്താരാഷ്ട്ര അവയവദാന തട്ടിപ്പ് കേസിലെ മുഖ്യസൂത്രധാരന് നജീബ് കല്ലത്ര പിടിയിലായതോടെ പുറത്തുവരുന്നത് ഞെട്ടിക്കുന്ന വിവരങ്ങള്. എറണാകുളം റൂറല് ജില്ലാ പോലീസ് മേധാവി കെ.എസ്. സുദര്ശന് ഐപിഎസിന്റെ നേതൃത്വത്തിലുള്ള പ്രത്യേക സംഘം ഉത്തര്പ്രദേശിലെ ഗാസിയാബാദില് നിന്നാണ് ഇയാളെ കുടുക്കിയത്. കഴിഞ്ഞ മൂന്ന് വര്ഷത്തോളമായി നജീബ് ഈ അന്താരാഷ്ട്ര റാക്കറ്റിനെ നയിക്കുകയായിരുന്നു. സാമ്പത്തികമായി തകര്ന്നുനില്ക്കുന്ന സാധാരണക്കാരെ കണ്ടെത്തി അവരെ ചൂഷണം ചെയ്യുന്ന വന്പദ്ധതിയാണ് ഇയാള് നടപ്പിലാക്കിയിരുന്നത്.
സാമ്പത്തിക പ്രതിസന്ധി നേരിടുന്നവരെ ലക്ഷ്യമിട്ട് സോഷ്യല് മീഡിയയിലൂടെയും ഇടനിലക്കാര് വഴിയുമാണ് നജീബ് വലവിരിച്ചിരുന്നത്. കടക്കെണിയില് ഉഴലുന്നവര്ക്ക് ലക്ഷങ്ങള് വാഗ്ദാനം ചെയ്ത് അവയവദാനത്തിന് പ്രേരിപ്പിക്കും. പിന്നീട് ഇറാന് പോലുള്ള രാജ്യങ്ങളിലേക്ക് ഇവരെ കടത്തി ശസ്ത്രക്രിയ നടത്തുകയായിരുന്നു രീതി. എന്നാല് വാഗ്ദാനം ചെയ്ത തുകയുടെ ചെറിയൊരു ഭാഗം മാത്രം നല്കി ബാക്കി ഭൂരിഭാഗവും നജീബും സംഘവും കൈക്കലാക്കി. മൂന്ന് വര്ഷത്തിനിടെ നൂറുകണക്കിന് ആളുകളെ ഇയാള് ഈ കെണിയില് വീഴ്ത്തിയതായാണ് പോലീസ് സംശയിക്കുന്നത്.
സുദര്ശന് ഐപിഎസിന്റെ നേതൃത്വത്തിലുള്ള അന്വേഷണം അതീവ രഹസ്യസ്വഭാവത്തിലാണ് മുന്നോട്ട് പോകുന്നത്. കൊച്ചിയിലെ പ്രമുഖ സ്വകാര്യ ആശുപത്രികളും ലാബുകളും ഈ മാഫിയയുടെ നിരീക്ഷണ വലയത്തിലാണെന്ന സൂചനകള് ലഭിച്ചിട്ടുണ്ട്. അവയവമാറ്റത്തിന് ആവശ്യമായ വ്യാജ ഡിസ്ചാര്ജ് സമ്മറികള്, മെഡിക്കല് റിപ്പോര്ട്ടുകള് എന്നിവ ചില ആശുപത്രികളുടെ പേരില് നിര്മ്മിച്ചതായി കണ്ടെത്തിയിട്ടുണ്ട്. ഈ സ്ഥാപനങ്ങളിലെ ആര്ക്കെങ്കിലും റാക്കറ്റുമായി നേരിട്ട് ബന്ധമുണ്ടോ എന്ന കാര്യമാണ് പോലീസ് ഇപ്പോള് പരിശോധിക്കുന്നത്.
തട്ടിപ്പിന് ആവശ്യമായ വ്യാജരേഖകള് ചമയ്ക്കുന്നതില് നജീബ് അതിവിദഗ്ധനായിരുന്നു. എംപിമാര്, എംഎല്എമാര്, ഉന്നത പോലീസ് ഉദ്യോഗസ്ഥര് എന്നിവരുടെ വ്യാജ ലെറ്റര് പാഡുകള് ഇയാളുടെ പക്കല് നിന്ന് കണ്ടെടുത്തിട്ടുണ്ട്. അവയവദാനത്തിന് നിയമപരമായ അനുമതി ലഭിക്കുന്നതിനായി ഈ വ്യാജരേഖകളാണ് ഇയാള് ഹാജരാക്കിയിരുന്നത്. സര്ക്കാര് തലത്തില് നിന്ന് നിഷേധിക്കപ്പെട്ട അപേക്ഷകള് പോലും വ്യാജ സീലുകളും ഒപ്പുകളും ഉപയോഗിച്ച് ഇയാള് മറികടന്നു. രാഷ്ട്രീയ നേതാക്കളുടെ അടുത്ത ബന്ധുവെന്ന് പരിചയപ്പെടുത്തിയാണ് ഇയാള് ഇരകളെയും ഉദ്യോഗസ്ഥരെയും വിശ്വസിപ്പിച്ചിരുന്നത്.
നജീബിന്റെ ഭാര്യ റഷീദ ഉള്പ്പെടെയുള്ളവര് നേരത്തെ പിടിയിലായിരുന്നു. ഇവരെ ചോദ്യം ചെയ്തതില് നിന്നാണ് നജീബിന്റെ ഒളിത്താവളത്തെക്കുറിച്ച് നിര്ണ്ണായക സൂചനകള് ലഭിച്ചത്. നജീബ് ഡല്ഹി വഴി ഗാസിയാബാദിലേക്ക് കടക്കുകയായിരുന്നു. പോലീസ് തന്റെ പിന്നാലെയുണ്ടെന്ന് മനസ്സിലാക്കിയ ഇയാള് ഫോണുകള് ഓഫ് ചെയ്ത് ഒളിവില് പോകാന് ശ്രമിച്ചെങ്കിലും സൈബര് സെല്ലിന്റെ സഹായത്തോടെ അന്വേഷണ സംഘം ഇയാളെ വളയുകയായിരുന്നു. മെഡിക്കല് ടൂറിസത്തിന്റെ മറവിലായിരുന്നു നജീബിന്റെ എല്ലാ വിദേശയാത്രകളും. ഇറാനിലെ ആശുപത്രികളുമായും വിദേശത്തെ ഏജന്റുമാരുമായും നജീബിന് നേരിട്ട് ബന്ധമുണ്ടെന്ന് പോലീസ് സ്ഥിരീകരിച്ചിട്ടുണ്ട്. ഇയാളുടെ ബാങ്ക് അക്കൗണ്ടുകളിലേക്ക് വിദേശത്തുനിന്ന് വലിയ തുകകള് എത്തിയതായി കണ്ടെത്തി. ഈ പണമിടപാടുകള് പരിശോധിച്ചാല് അന്താരാഷ്ട്ര തലത്തിലുള്ള കൂടുതല് കണ്ണികളെ പിടികൂടാന് കഴിയുമെന്നാണ് അന്വേഷണ സംഘത്തിന്റെ പ്രതീക്ഷ.
കേരളത്തിലെ ചില മെഡിക്കല് ലാബുകളും ഈ തട്ടിപ്പിന് കൂട്ടുനിന്നതായി പോലീസ് സംശയിക്കുന്നു. രക്തബന്ധമില്ലാത്ത ദാതാക്കളെയും സ്വീകര്ത്താക്കളെയും രേഖകളില് ബന്ധുക്കളാക്കി മാറ്റാന് ആവശ്യമായ ലാബ് റിപ്പോര്ട്ടുകള് ഇവര് കൃത്രിമമായി നിര്മ്മിച്ചു. ഒരു പ്രത്യേക മെഡിക്കല് ലാബിന്റെ പേരില് ലഭിച്ച റിപ്പോര്ട്ടില് സംശയം തോന്നി പോലീസ് അവിടെ വിളിച്ചപ്പോള് അത് ഒരു പ്രിന്റിംഗ് പ്രസ് ആണെന്ന മറുപടിയാണ് ലഭിച്ചത്. ഇതാണ് അന്വേഷണത്തില് വഴിത്തിരിവായത്. അന്വേഷണം കൂടുതല് ആശുപത്രികളിലേക്ക് വ്യാപിക്കുന്നതോടെ അവയവ മാഫിയ ഒന്നടങ്കം നടുക്കത്തിലാണ്. കേരളത്തിലെ പ്രമുഖ ആശുപത്രികളുടെ പേരില് ഇറങ്ങിയ വ്യാജ ഡിസ്ചാര്ജ് സമ്മറികള് ആ സ്ഥാപനങ്ങളുടെ വിശ്വാസ്യതയെത്തന്നെ ബാധിച്ചിട്ടുണ്ട്. ഡോക്ടര്മാരുടെയോ ആശുപത്രി ജീവനക്കാരുടെയോ അറിവില്ലാതെ ഇത്രയും വലിയൊരു തട്ടിപ്പ് ഇത്രയും കാലം മുന്നോട്ട് കൊണ്ടുപോകാന് നജീബിന് കഴിയില്ലെന്നാണ് അന്വേഷണ സംഘത്തിന്റെ പ്രാഥമിക നിഗമനം.
മനുഷ്യക്കടത്തിന് സമാനമായ ഗുരുതരമായ കുറ്റകൃത്യമാണ് നജീബിന് മേല് ചുമത്തിയിരിക്കുന്നത്. സാമ്പത്തിക തട്ടിപ്പില് തുടങ്ങി അവയവക്കടത്തില് എത്തി നില്ക്കുന്ന ഇയാളുടെ കുറ്റകൃത്യങ്ങളുടെ വ്യാപ്തി ഇനിയും വര്ദ്ധിക്കാന് സാധ്യതയുണ്ട്. പാവപ്പെട്ടവരുടെ നിസ്സഹായാവസ്ഥയെയും ആരോഗ്യത്തെയും വെച്ച് പന്താടിയ ഈ സംഘത്തിലെ ഓരോ അംഗത്തെയും നിയമത്തിന് മുന്നില് കൊണ്ടുവരാനുള്ള തീവ്രശ്രമത്തിലാണ് സുദര്ശന് ഐപിഎസും സംഘവും.
വരും ദിവസങ്ങളില് കൂടുതല് അറസ്റ്റുകള് ഉണ്ടാകുമെന്നാണ് സൂചന. നജീബിന്റെ പ്ലാനുകള് വിദേശ രാജ്യങ്ങളിലെ മലയാളികളെക്കൂടി കേന്ദ്രീകരിച്ചാണോ എന്നും പോലീസ് പരിശോധിക്കുന്നുണ്ട്. ലുക്കൗട്ട് സര്ക്കുലര് പുറപ്പെടുവിച്ചതിന് പിന്നാലെ നടന്ന ഈ അറസ്റ്റ് അന്വേഷണത്തില് നിര്ണ്ണായകമാണ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
അഖിൽ ഉണ്ണിത്താനെ മർദിച്ച കേസ്: എല്ലാ പ്രതികളെയും കോടതി വെറുതെ വിട്ടു
