ഹൈദരാബാദ്: തെലങ്കാനയിൽ ഓടിക്കൊണ്ടിരുന്ന ചാർമിനാർ എക്സ്പ്രസ് ട്രെയിനിൽ വൻ തീപിടിത്തം. ചെന്നൈയിൽ നിന്നും ഹൈദരാബാദിലേക്ക് പോവുകയായിരുന്ന ട്രെയിനിന്റെ എസ്-5 സ്ലീപ്പർ കോച്ചിലാണ് തീ പടർന്നത്. യാദാദ്രി ഭുവനഗിരി ജില്ലയിലെ അലർ റെയിൽവേ സ്റ്റേഷന് സമീപത്തുവെച്ചായിരുന്നു സംഭവം.
വോട്ടര് പട്ടികയില് നിന്ന് പേര് നീക്കിയാല് പൗരത്വം നഷ്ടമാകില്ല; തിരഞ്ഞെടുപ്പ് കമ്മീഷന്റെ ‘എസ്.ഐ.ആര്’ നടപടി ശരിവെച്ച് സുപ്രീംകോടതി
കോച്ചിൽ നിന്ന് പുക ഉയരുന്നത് ശ്രദ്ധയിൽപ്പെട്ട ഉടൻ തന്നെ യാത്രക്കാർ അസാമാന്യമായ സമനില പാലിക്കുകയും അപായച്ചങ്ങല വലിച്ച് ട്രെയിൻ നിർത്തുകയും ചെയ്തു. ട്രെയിൻ നിർത്തിയ ഉടൻ തന്നെ യാത്രക്കാർ പുറത്തേക്ക് ചാടി രക്ഷപ്പെട്ടതിനാൽ വലിയ ദുരന്തമാണ് ഒഴിവായത്. തീപിടിത്തത്തിൽ ആർക്കും പരിക്കേറ്റതായി റിപ്പോർട്ടില്ല. തീപിടിത്തത്തിന് കാരണം ഷോർട്ട് സർക്യൂട്ട് ആണെന്നാണ് പ്രാഥമിക നിഗമനം. എന്നാൽ റെയിൽവേ അധികൃതർ ഇതുവരെ ഔദ്യോഗികമായി ഇക്കാര്യം സ്ഥിരീകരിച്ചിട്ടില്ല. തീപിടിത്തത്തിന്റെ വ്യാപ്തിയോ നാശനഷ്ടങ്ങളോ സംബന്ധിച്ച വിവരങ്ങൾ ലഭ്യമായിട്ടില്ല.
സംഭവം ശ്രദ്ധയിൽപ്പെട്ടതോടെ റെയിൽവേ സുരക്ഷാ ഉദ്യോഗസ്ഥർ സ്ഥലത്തെത്തി പരിശോധനകൾ നടത്തിവരികയാണ്. കൂടുതൽ വിവരങ്ങൾ ലഭ്യമാകുന്ന മുറയ്ക്ക് റെയിൽവേ അധികൃതർ സംഭവത്തിൽ വിശദമായ പ്രസ്താവന പുറത്തിറക്കുമെന്ന് അറിയിച്ചിട്ടുണ്ട്. തീ പൂർണ്ണമായും അണച്ച ശേഷം ട്രെയിൻ യാത്ര തുടരാൻ സാധിക്കുമോ എന്ന് ഉദ്യോഗസ്ഥർ പരിശോധിക്കും.
ട്രംപിന് ഇന്ത്യയുടെ ‘എട്ടിന്റെ പണി’! 30 ശതമാനം തീരുവ; മോദിയുമായി ചര്ച്ചയ്ക്ക് ട്രംപിന് മേല് യുഎസ് സെനറ്റര്മാരുടെ സമ്മര്ദ്ദം
