കോഴിക്കോട്: നഗരമധ്യത്തിൽ പോലീസ് ഉദ്യോഗസ്ഥന് നേരെ ഗുണ്ടാ ആക്രമണം. കോഴിക്കോട് ടൗൺ സ്റ്റേഷനിലെ എസ്.ഐ ഷാഫിക്കാണ് കുത്തേറ്റത്. സംഭവത്തിൽ വെസ്റ്റ്ഹിൽ സ്വദേശിയും നിരവധി കേസുകളിൽ പ്രതിയുമായ പ്രമോദിനെ പോലീസ് കസ്റ്റഡിയിലെടുത്തു. സ്റ്റേഷന് സമീപത്തെ ഹോട്ടലിലുണ്ടായ തർക്കം പരിഹരിക്കാൻ ശ്രമിക്കുന്നതിനിടെയാണ് എസ്.ഐക്ക് നേരെ ആക്രമണമുണ്ടായത്.
ജഡ്ജി ഹണി എം. വര്ഗീസിന് ആലപ്പുഴയിലേക്ക് സ്ഥലംമാറ്റം; നടി ആക്രമിക്കപ്പെട്ട കേസിലെ വിചാരണ നീണ്ടതിനാല് ദീര്ഘകാലമായി എറണാകുളം പ്രിന്സിപ്പല് കോടതി ജഡ്ജിയായി
ടൗൺ സ്റ്റേഷന് മുൻവശത്തുള്ള ഹോട്ടലിൽ ചായ കുടിക്കാനായി എത്തിയതായിരുന്നു എസ്.ഐ ഷാഫി. ഈ സമയം ഹോട്ടൽ ജീവനക്കാരനും പ്രതിയായ പ്രമോദും തമ്മിൽ രൂക്ഷമായ വാക്കുതർക്കം നടക്കുകയായിരുന്നു. തർക്കം രൂക്ഷമായതോടെ ഇടപെട്ട എസ്.ഐ, ഹോട്ടലിൽ ബഹളമുണ്ടാക്കരുതെന്ന് പ്രമോദിനോട് നിർദ്ദേശിച്ചു. ഇതിൽ പ്രകോപിതനായ പ്രതി ഷാഫിയോട് തട്ടിക്കയറുകയും ആക്രമിക്കാൻ മുതിരുകയും ചെയ്തു.
ഹോട്ടലിൽ നിന്ന് പുറത്തേക്ക് ഇറങ്ങിയ എസ്.ഐയെ പ്രമോദ് പിന്തുടർന്ന് പിന്നിൽ നിന്ന് കുത്തുകയായിരുന്നു. ഗുരുതരമായി പരിക്കേറ്റ അദ്ദേഹത്തെ ഉടൻ തന്നെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. അദ്ദേഹത്തിന്റെ ആരോഗ്യനില നിലവിൽ തൃപ്തികരമാണെന്നാണ് വിവരം.
അമ്പലപ്പുഴയിൽ ജി. സുധാകരന് പിന്തുണ: “52 വർഷത്തെ ബന്ധം അവസാനിക്കുന്നു”; കോൺഗ്രസ് വിട്ട് കെപിസിസി ജനറൽ സെക്രട്ടറി എം.ജെ. ജോബ്
ആക്രമണത്തിന് ശേഷം ഓടി രക്ഷപ്പെടാൻ ശ്രമിച്ച പ്രമോദിനെ നാട്ടുകാർ പിന്തുടർന്ന് പിടികൂടുകയായിരുന്നു. തുടർന്ന് സ്റ്റേഷനിൽ നിന്ന് കൂടുതൽ പോലീസെത്തി ഇയാളെ അറസ്റ്റ് ചെയ്തു.പിടിയിലായ പ്രമോദ് നഗരത്തിലെ അറിയപ്പെടുന്ന ഗുണ്ടാപ്പട്ടികയിലുള്ള ആളാണെന്നും ഇയാൾക്കെതിരെ മുൻപും നിരവധി ക്രിമിനൽ കേസുകൾ ഉണ്ടെന്നും പോലീസ് അറിയിച്ചു.
പോലീസ് സ്റ്റേഷന് തൊട്ടുമുന്നിൽ വെച്ച് തന്നെ ഉദ്യോഗസ്ഥന് നേരെ ആക്രമണമുണ്ടായത് നഗരവാസികളെ ഞെട്ടിച്ചിരിക്കുകയാണ്. പ്രതിക്കെതിരെ വധശ്രമം ഉൾപ്പെടെയുള്ള വകുപ്പുകൾ ചുമത്തി കേസെടുത്തിട്ടുണ്ട്.
