കൊച്ചി: കടുത്ത ഗ്രൂപ്പ് തര്ക്കങ്ങള്ക്കും നാടകീയ നീക്കങ്ങള്ക്കുമൊടുവില് കൊച്ചി നഗരസഭയുടെ പുതിയ മേയറായി കോണ്ഗ്രസ് നേതാവ് വി.കെ. മിനിമോളെ തിരഞ്ഞെടുത്തു. രണ്ടര വര്ഷം വീതം മേയര് പദവി പങ്കിട്ടെടുക്കാനുള്ള ‘ടേം’ വ്യവസ്ഥയിലാണ് യുഡിഎഫ് ധാരണയിലെത്തിയത്. ആദ്യ ടേമില് വി.കെ. മിനിമോള് മേയറാകുമ്പോള് ദീപക് ജോയ് ഡെപ്യൂട്ടി മേയറാകും. ശേഷിക്കുന്ന രണ്ടര വര്ഷം ഷൈനി മാത്യു മേയറായും കെ.വി.പി. കൃഷ്ണകുമാര് ഡെപ്യൂട്ടി മേയറായും ചുമതലയേല്ക്കും. ഡിസിസി പ്രസിഡന്റ് മുഹമ്മദ് ഷിയാസാണ് ഔദ്യോഗിക പ്രഖ്യാപനം നടത്തിയത്.
ലഹരിവേട്ടയ്ക്ക് പുറമെ പോലീസ് സ്റ്റേഷനുകളിൽ വൻ അഴിച്ചുപണി; ‘ഓപ്പറേഷൻ തുഫാൻ -ദി നർക്കോ ഹണ്ട്’ പ്രഖ്യാപിച്ചു
തിരഞ്ഞെടുപ്പിന് മുന്പ് മേയര് സ്ഥാനത്തേക്ക് ഉയര്ത്തിക്കാട്ടപ്പെട്ട കെപിസിസി ജനറല് സെക്രട്ടറി ദീപ്തി മേരി വര്ഗീസിനെ വെട്ടിനിരത്തിയാണ് എ, ഐ ഗ്രൂപ്പുകള് സംയുക്തമായി ഈ തീരുമാനമെടുത്തത്. പാര്ലമെന്ററി പാര്ട്ടി യോഗത്തില് നടന്ന വോട്ടെടുപ്പില് ദീപ്തിക്ക് വെറും നാല് പേരുടെ പിന്തുണ മാത്രമാണ് ലഭിച്ചത്. ഷൈനി മാത്യുവിന് 19 പേരും വി.കെ. മിനിമോള്ക്ക് 17 പേരും പിന്തുണ നല്കി. പാര്ട്ടിയുടെ ഉന്നത പദവികള് വഹിക്കുന്നവര്ക്ക് മുന്ഗണന നല്കണമെന്ന കെപിസിസി സര്ക്കുലര് പോലും തള്ളിക്കൊണ്ടാണ് കൊച്ചിയിലെ ഗ്രൂപ്പ് നീക്കം.
ലത്തീന് വിഭാഗത്തില് നിന്നുള്ള ദീപ്തിയെ ഒഴിവാക്കാന് എ, ഐ ഗ്രൂപ്പുകള് രഹസ്യ ബാലറ്റ് പോലും തടഞ്ഞുവെന്ന് ദീപ്തി അനുകൂലികള് ആരോപിക്കുന്നു. കെപിസിസി ജനറല് സെക്രട്ടറിമാരില് കൗണ്സിലറായി വിജയിച്ച ഏക വ്യക്തിയായിട്ടും ദീപ്തിയെ തഴഞ്ഞതില് പാര്ട്ടിയിലെ ഒരു വിഭാഗം കടുത്ത നിരാശയിലാണ്. പാലാരിവട്ടം ഡിവിഷനില് നിന്നുള്ള പ്രതിനിധിയാണ് മിനിമോള്. ഷൈനി മാത്യു ഫോര്ട്ട് കൊച്ചിയെയും ദീപ്തി സ്റ്റേഡിയം വാര്ഡിനെയുമാണ് പ്രതിനിധീകരിക്കുന്നത്.
താമരശ്ശേരി ചുരത്തിൽ മൾട്ടി ആക്സിൽ വാഹനങ്ങൾക്ക് കർശന നിയന്ത്രണം
മുന്പ് സൗമിനി ജെയിന് മേയറായിരുന്ന കാലത്ത് ടേം വ്യവസ്ഥയെ ചൊല്ലിയുണ്ടായ തര്ക്കങ്ങള് ഭരണത്തെ ബാധിച്ചിരുന്നു. സമാനമായ ഒരു പരീക്ഷണത്തിനാണ് ഇത്തവണയും യുഡിഎഫ് മുതിരുന്നത്. ഗ്രൂപ്പ് താത്പര്യങ്ങള് സംരക്ഷിക്കാന് യോഗ്യരായവരെ വെട്ടുന്ന ശൈലി വരും ദിവസങ്ങളില് കൊച്ചി കോണ്ഗ്രസില് വലിയ പൊട്ടിത്തെറികള്ക്ക് വഴിവെച്ചേക്കും.
നേതാക്കള്ക്കെതിരെ പരാതിയുമായി ദീപ്തി മേരി വര്ഗീസ്
തിരുവനന്തപുരം: കോണ്ഗ്രസിനുള്ളിലെ വിഭാഗീയതയും തര്ക്കങ്ങളും വീണ്ടും തെരുവിലേക്ക്. കെപിസിസി ജനറല് സെക്രട്ടറി ദീപ്തി മേരി വര്ഗീസ് പാര്ട്ടിയിലെ മുതിര്ന്ന നേതാക്കള്ക്കെതിരെ കെപിസിസി നേതൃത്വത്തിന് പരാതി നല്കി. തന്നെ വ്യക്തിപരമായി അധിക്ഷേപിക്കാനും രാഷ്ട്രീയമായി തളര്ത്താനും ബോധപൂര്വമായ ശ്രമങ്ങള് നടക്കുന്നുവെന്നാണ് ദീപ്തിയുടെ പ്രധാന ആരോപണം.
നേതാക്കള് ഗ്രൂപ്പ് താത്പര്യങ്ങള് മുന്നിര്ത്തി തന്നെ ഒറ്റപ്പെടുത്തുകയാണെന്നും ഔദ്യോഗിക പദവികള് ദുരുപയോഗം ചെയ്ത് അപകീര്ത്തിപ്പെടുത്തുന്നുവെന്നും പരാതിയില് ചൂണ്ടിക്കാട്ടുന്നു. പാര്ട്ടിക്കുള്ളിലെ ആഭ്യന്തര പ്രശ്നങ്ങള് പരിഹരിക്കാന് കെപിസിസി പ്രസിഡന്റ് കെ. സുധാകരന് ഇടപെടണമെന്നും അര്ഹമായ പരിഗണന ഉറപ്പാക്കണമെന്നും ദീപ്തി ആവശ്യപ്പെട്ടു.
അടുത്തിടെ നടന്ന പുനഃസംഘടനയുമായി ബന്ധപ്പെട്ട തര്ക്കങ്ങളാണ് പരാതിക്ക് പിന്നിലെന്നാണ് സൂചന. പരാതിയുടെ അടിസ്ഥാനത്തില് കെപിസിസി വിശദമായ അന്വേഷണം നടത്തിയേക്കും. വരാനിരിക്കുന്ന തിരഞ്ഞെടുപ്പുകള്ക്ക് മുന്നോടിയായി പാര്ട്ടി ഒത്തൊരുമയോടെ മുന്നോട്ടുപോകേണ്ട ഘട്ടത്തില് ഇത്തരം പരാതികള് ഉയര്ന്നത് കോണ്ഗ്രസ് നേതൃത്വത്തെ പ്രതിരോധത്തിലാക്കിയിട്ടുണ്ട്.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
