തിരുവനന്തപുരം : അടിവസ്ത്രക്കേസില് മുന് മന്ത്രിയും എംഎല്എയുമായ ആന്റണി രാജുവിനെ മൂന്ന് വര്ഷം തടവിനും പിഴയ്ക്കും ശിക്ഷിച്ചു. ഈ വിധിയോടെ അദ്ദേഹം നിയമസഭയില് നിന്ന് അയോഗ്യനാക്കപ്പെടും.നെടുമങ്ങാട് ഒന്നാം ക്ലാസ് മജിസ്ട്രേറ്റ് കോടതിയാണ് ശിക്ഷ വിധിച്ചത്. തെളിവ് നശിപ്പിക്കലിന് 3 വര്ഷം തടവും 10,000 രൂപ പിഴയും.കള്ളത്തെളിവ് ഉണ്ടാക്കിയതിന് 3 വര്ഷം തടവും, ഗൂഢാലോചനയ്ക്ക് 6 മാസം തടവ്. ശിക്ഷകള് ഒന്നിച്ച് അനുഭവിച്ചാല് മതി എന്നതിനാല് മൂന്ന് വര്ഷം അദ്ദേഹം ജയിലില് കഴിയേണ്ടി വരും.
മംഗല്യപ്പന്തലില് മരണം; താലിച്ചാര്ത്താന് മണിക്കൂറുകള് ബാക്കിനില്ക്കെ വരന് മടങ്ങി; ചാത്താരി ഗ്രാമം കണ്ണീര്ക്കടലില്!
സുപ്രീം കോടതിയുടെ ലില്ലി തോമസ് കേസ് വിധി പ്രകാരം, രണ്ട് വര്ഷമോ അതില് കൂടുതലോ തടവ് ശിക്ഷ ലഭിക്കുന്ന ജനപ്രതിനിധികള് ആ നിമിഷം മുതല് അയോഗ്യരാകും. ഇതുപ്രകാരം ആന്റണി രാജുവിന് എംഎല്എ സ്ഥാനം ഉടന് നഷ്ടമാകും.
ശിക്ഷാ കാലാവധിക്ക് ശേഷം ആറ് വര്ഷത്തേക്ക് കൂടി അദ്ദേഹത്തിന് തിരഞ്ഞെടുപ്പുകളില് മത്സരിക്കാന് നിയമപരമായ വിലക്കുണ്ടാകും.മേല്ക്കോടതിയില് അപ്പീല് നല്കി ശിക്ഷാ വിധിക്ക് സ്റ്റേ വാങ്ങിയാലും അയോഗ്യത നീങ്ങില്ല. കുറ്റക്കാരനെന്ന വിധി തന്നെ റദ്ദാക്കിയാല് മാത്രമേ അയോഗ്യതയില് നിന്ന് രക്ഷപ്പെടാനാകൂ.
കണ്ണൂരില് തെരഞ്ഞെടുപ്പിന് പിന്നാലെ വ്യാപക അക്രമം; മയ്യിലില് കോണ്ഗ്രസ് ഓഫീസ് തകര്ത്തു; പയ്യന്നൂരില് കുഞ്ഞികൃഷ്ണന് അനുകൂലിയുടെ വീടാക്രമിച്ചു; കാറിന് തീയിട്ടു; ജില്ലയില് കനത്ത ജാഗ്രത
കോടതിയുടെ കസ്റ്റഡിയിലിരുന്ന തൊണ്ടിമുതലായ അടിവസ്ത്രംപുറത്തെടുത്ത് രൂപമാറ്റം വരുത്തി നീതിന്യായ വ്യവസ്ഥയെ തന്നെ കബളിപ്പിച്ചു എന്നതാണ് ഈ കേസിനെ അപൂര്വ്വമാക്കുന്നത്. അഭിഭാഷകനും നിയമസഭാ സാമാജികനുമായിരുന്ന ഒരാള് തന്നെ ഇതിന് നേതൃത്വം നല്കി എന്നത് ഗൗരവകരമാണെന്ന് കോടതി നിരീക്ഷിച്ചു.
Disclaimer: The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
